coronavirus : శుభవార్త.. రికవరీ రేటులో 10 శాతం పెరుగుదల

భారత్ కరోనాను అరికట్టడంలో గణనీయమైన విజయం సాధిస్తోంది. గత ఇరవై నాలుగు గంటలలో, 1993 కొత్త సంక్రమణ కేసులు నమోదయ్యాయి, చికిత్స తర్వాత 564 మంది కోలుకున్నారు. దీంతో రికవరీ రేటు ఒకే రోజులో 10 శాతం పెరిగింది. ప్రస్తుతం 35.37 శాతంగా ఉంది. ఇది గురువారం 25.19%. గా ఉంది. ఇప్పటివరకు, 8888 మంది సోకిన రోగులను చికిత్స తర్వాత ఇంటికి పంపించారు. కరోనా నుండి మరణించే రేటు ఇతర దేశాలతో పోలిస్తే ఇక్కడ చాలా తక్కువగా ఉందని కేంద్ర ఆరోగ్య శాఖ కార్యదర్శి లవ్ అగర్వాల్ అన్నారు. ఇక్కడ కరోనా నుండి మరణించే రేటు 3.2 గా ఉందని..

తీవ్రమైన రోగుల సంఖ్య కూడా తక్కువ అన్నారు. దేశంలో కరోనా రోగులు కేవలం 0.33% మాత్రమే వెంటిలేటర్‌లో ఉండగా, 1.5% రోగులు ఆక్సిజన్ సపోర్ట్ కలిగి ఉన్నారు. 2.34% మంది రోగులు ఐసియులో ఉన్నారు. మరణించిన మొత్తం రోగులలో, 65% మంది పురుషులు, 35% స్త్రీలు ఉన్నారు. వయస్సు ప్రకారం, 45 సంవత్సరాల కంటే తక్కువ వయస్సు వారు 14% మంది మరణించారు. 45 నుండి 60 సంవత్సరాల వయస్సు గల వారిలో 34.8% మంది ఉన్నారు. 60 ఏళ్లు పైబడిన రోగులలో 51.2% మంది మరణించారు.