కరోనా లాక్‌డౌన్‌ : ఎయిరిండియా చేస్తున్న మరో మంచి పని!

కరోనా లాక్‌డౌన్లతో విదేశాల్లో చిక్కుపోయిన భారతీయులను, భారత్‌లో చిక్కుకున్న విదేశీయులను ఆయా దేశాలకు తరలించిన ఎయిరిండియా మరో కీలక నిర్ణయం తీసుకుంది.. విదేశాలలో ఉన్న రైతులకు కూడా సహాయం చేస్తుంది. ప్రభుత్వ అగ్రి ఫ్లైట్ కార్యక్రమంలో భాగంగా ఎయిర్ ఇండియాకు చెందిన రెండు విమానాలు ఏప్రిల్ 13, 15 తేదీల్లో జర్మనీలోని లండన్, ఫ్రాంక్‌ఫర్ట్‌లకు వెళ్తాయి.

వీటిలో కాలానుగుణ కూరగాయలు మరియు పండ్లు ఉంటాయి. ప్రతిగా, ఈ విమానాలు అక్కడి నుండి వైద్య సామాగ్రిని (మందులు , ముసుగులు మరియు ఇతర అవసరమైన పరికరాలు) తెస్తాయి. విదేశాలకు వ్యవసాయ ఉత్పత్తులు తరలించి రైతులకు లాభం చేకూర్చేందుకు కేంద్ర ప్రభుత్వం కృషి ఉడాన్‌ యోజన పథకాన్ని తీసుకొచ్చిన సంగతి తెలిసిందే.

ఈ పథకం దిగుమతులు మరియు ఎగుమతులను పెంచడమే కాకుండా రాష్ట్రాల రైతుల ఆదాయాన్ని రెట్టింపు చేస్తుంది. ఏప్రిల్ 4 నుంచి భారత ప్రభుత్వం చైనాతో విమాన సంబంధాన్ని విస్తరించింది. వైద్య సామగ్రిని అక్కడనుంచి దిగుమతి చేసుకున్నారు. గత శనివారం ఏప్రిల్ 4 న ఎయిర్ ఇండియా విమాన నంబర్ AI-349 చైనా లోని షాంఘై నుండి బయలుదేరి ఉదయం ముంబై చేరుకుంది. దీంతో చైనా నుంచి తెచ్చిన వైద్య సామగ్రిని వివిధ రాష్ట్రాల్లో పంపిణీ చేశారు.

ఇక వైద్య సామాగ్రి తరలించేందుకు ఎయిరిండియాతో పాటు ప్రైవేటు విమానయాన సంస్థలు స్పైస్ జెట్, బ్లూ డార్ట్‌, ఇండిగో సంస్థలు కూడా ఒక ప్రదేశం నుండి మరొక ప్రదేశానికి వస్తువులను రవాణా చేస్తున్నాయి. స్పైట్ జెట్ మార్చి 24 నుండి ఏప్రిల్ 10 వరకు 266 కార్గో విమానాలను నడిపింది. వీటిలో 76 అంతర్జాతీయ విమానాలు ఉన్నాయి.

అలాగే బ్లూ డార్ట్‌ 86 , ఇండిగో 19 కార్గో విమానాలను నడుపుతున్నాయి. పౌర విమానయాన మంత్రిత్వ శాఖ నుండి వచ్చిన సమాచారం ప్రకారం, కార్గో విమానంలో ముఖ్యంగా మాస్కులు, చేతి తొడుగులు వంటి తేలికపాటి ఉత్పత్తులు ఎక్కువగా ఉన్నాయి.