Coronavirus: నేడు ఇరాన్ నుండి జైసల్మేర్‌కు రానున్న 120 మంది భారతీయులు

కరోనావైరస్ ప్రభావంతో ఇరాన్ లో చిక్కుకున్న 120 మంది భారతీయులను తరలించిన ఎయిర్ ఇండియా విమానం శుక్రవారం రాజస్థాన్‌లోని జైసల్మేర్‌కు చేరుకోనుంది. ఇరాన్ నుంచి తరలిస్తున్న 120 మంది భారతీయులను జైసల్మేర్‌లో ఏర్పాటు చేసిన ఆర్మీ ఐసోలేషన్ వార్డులో నిర్బంధించనున్నట్లు రక్షణ ప్రతినిధి గురువారం తెలిపారు. మొత్తం 120 మంది భారతీయులు విమానాశ్రయం నుంచి స్క్రీనింగ్ అనంతరం దిగ్బంధం ప్రాంతానికి తరలిస్తామని వెల్లడించారు.

"సదరన్ కమాండ్ ఆధ్వర్యంలో ఏర్పాటు చేసిన భారతీయ ఆర్మీ సదుపాయంలో వారు నిర్బంధించబడతారు. రోగులను విమానాశ్రయం నుండి వారి ప్రారంభ స్క్రీనింగ్ పోస్ట్ అనంతరం సివిల్ అడ్మినిస్ట్రేషన్ ఎస్కార్ట్ కింద నిర్బంధ ప్రాంతానికి బదిలీ చేస్తారు" అని రక్షణ ప్రతినిధి కల్ సోంబిట్ ఘోష్ చెప్పారు. మరో బ్యాచ్ లో 250 మంది భారతీయులను మార్చి 14 న ఇరాన్ నుండి తరలించనున్నారు. వారిని ఇరాన్ నుండి విమానంలో పంపించి జైసల్మేర్ లోని ఆర్మీ ఫెసిలిటీ వద్ద నిర్బంధించనున్నారు.

COVID-19 రోగుల కోసం రక్షణ మంత్రిత్వ శాఖ మరో ఏడు నిర్బంధ సదుపాయాలను ఏర్పాటు చేసింది, ముఖ్యంగా భారతీయ పౌరులను కరోనావైరస్ దెబ్బతిన్న దేశాల నుండి తిరిగి తీసుకురావడం.దిగ్బంధం కోసం జోధ్పూర్, ఝాన్సీ, డియోలాలి, కోల్‌కతా, చెన్నై, సూరత్‌ లలో కూడా రక్షణ సదుపాయాలు సిద్ధంగా ఉన్నాయని అధికారులు తెలిపారు. అవసరమైతే చిన్న నోటీసుతో సైనిక క్షేత్ర ఆసుపత్రులను ఏర్పాటు చేయవచ్చని వర్గాలు వెల్లడించాయి.

కాగా ఇప్పటికే "హిండన్ మరియు మనేసర్లలో రెండు సైనిక సదుపాయాలలో 265 మంది పౌరులు నిర్బంధంలో ఉన్నారు, రాబోయే 2-3 రోజుల్లో మరికొంతమందిని భారతదేశానికి తిరిగి తీసుకురావాలని ప్రయత్నాలు చేస్తున్నాము" అని ప్రతినిధి ఇండియన్ ఆర్మీ కల్ అమన్ ఆనంద్ చెప్పారు, నిర్బంధ కేంద్రాలలో రోగులకు అవసరమైన ఏర్పాట్లను ఇప్పటికే పూర్తి చేసినట్టు ఆయన వెల్లడించారు.

కరోనావైరస్ ప్రభావంతో వివిధ దేశాల నుండి తిరిగి తీసుకువచ్చిన వారి కోసం మనేసర్లో దిగ్బంధం సౌకర్యాన్ని నడపడానికి ఆర్మీ రోజుకు సుమారు 3.5 లక్షల రూపాయలు ఖర్చు చేస్తోంది. గత ఏడాది డిసెంబర్‌లో చైనా నగరమైన వుహాన్‌లో ఉద్భవించిన ఈ వ్యాధి ప్రపంచవ్యాప్తంగా 100 కి పైగా దేశాలకు వ్యాపించి ప్రపంచవ్యాప్తంగా 125,000 మందికి సోకింది.