Top
logo

ఇంటి యజమానులకు కేంద్ర హోంశాఖ హెచ్చరిక... అద్దె అడిగారో ఇక అంతే

ఇంటి యజమానులకు కేంద్ర హోంశాఖ హెచ్చరిక... అద్దె అడిగారో ఇక అంతేRepresentational Image
Highlights

కరోనా వైరస్ విలయతాండవం చేస్తున్న నేపథ్యంలో దేశవ్యాప్తంగా లాక్ డౌన్ కొనసాగుతోంది. ఈ క్రమంలో మొత్తం వ్యవస్థలు స్తంభించిపోయాయి.

కరోనా వైరస్ విలయతాండవం చేస్తున్న నేపథ్యంలో దేశవ్యాప్తంగా లాక్ డౌన్ కొనసాగుతోంది. ఈ క్రమంలో మొత్తం వ్యవస్థలు స్తంభించిపోయాయి. నిర్మాణ పనులు ఆగిపోయాయి. దీంతో దేశంలోని చాలా రాష్ట్రాల్లో వలస కూలీలు తీవ్ర ఇబ్బందులు పడుతున్నారు. ఈ విపత్కర పరిస్థితి ఎన్ని రోజులు ఉంటుందో తెలియని స్థితి. ఈ క్రమంలో నెలాఖరు ఇంటి అద్దెలు ఎలా అనే భయం కూడా ప్రజల్లో మొదలైంది. ఈ క్రమంలో పలు స్పష్టమైన ఆదేశాలు కేంద్ర హోంశాఖ జారీ చేసింది.


అద్దె నివాసాల్లో ఉండే వలసకూలీలు, అద్దె కోసం భూ యజమానులు ఓ నెల రోజుల పాటు ఒత్తిడి చేయవద్దని స్పష్టంచేసింది. ఎవరైనా ఇంటి యజమానులు కూలీలు, విద్యార్థులను అద్దె కోసం ఒత్తిడి తెస్తే చట్ట ప్రకారం చర్యలు తీసుకుంటామని కేంద్ర హోంశాఖ హెచ్చరికలు జారీ చేసింది. ఇటీవల హైదరాబాద్‌లో ఓ ఇంటి యజమాని పెద్దమనసు చేసుకున్నాడు. హైదరాబాద్ జీడిమెట్లలోని ఓ ఇంటి యజమాని, తన ఇంట్లో అద్దెకు ఉంటున్న నాలుగు కుటుంబాలకు కరోనా వైరస్ తగ్గే వరకు అద్దె కట్టాల్సిన అవసరం లేదని చెప్పుడు. దీనికి సంబంధించిన ఓ వీడియో సామాజిక మధ్యమాల్లో వైరల్‌గా మారింది.

Web TitleCentral Home department has ordered Landlord cannot ask Rent from tenants during the lockdown time
Next Story