జమ్మూలో మరోసారి చెలరేగిపోయిన ఉగ్రమూకలు.. సీఆర్‌పీఎఫ్‌ కాన్వాయ్‌..

పుల్వామా ఘటన తరహాలోనే జమ్మూలో మరోసారి ఉగ్రమూకలు పేట్రేగిపోయారు. రాంబంధన్ జిల్లాలోని బనిహాల్ ప్రాంతంలో సీఆర్‌పీఎఫ్‌ కాన్వాయ్‌ ను కారుతో ఢీకొట్టారు ఉగ్రవాదులు. అంతేకాదు మందుగుండు పేల్చడంతో ఓ సీఆర్‌పీఎఫ్‌ వాహనం దెబ్బతింది. ఈ ఘటనలో కొందరు జవాన్లకు గాయాలైనట్లు తెలుస్తోంది. సీఆర్‌పీఎఫ్‌ వాహనాన్ని ఢీకొట్టి అనంతరం ఆ ఉగ్రవాది అక్కడినుంచి పరారయ్యాడు. వెంటనే అప్రమత్తమైన భద్రతా దళాలు ఆ ప్రదేశంలో భారీగా మోహరించారు. అతడికోసం గాలిస్తున్నారు. పుల్వామా ఘటన తరహాలోనే మరో దాడికి ఉగ్రవాదులు స్కెచ్ వేసినట్లు ఆర్మీ అధికారులు అనుమానిస్తున్నారు. ఈ దాడికి స్థానికుల సహకారం ఉన్నట్టు వారు భావిస్తున్నారు.