ఆ రాష్ట్రంలో 24 గంటల తర్వాత ఇతరులకు ప్రవేశం నిషేధం

మేఘాలయ రాష్ట్ర వాసుల కోసం 2016 రక్షణ చట్టం సవరణకు ఆ రాష్ట్ర కేబినెట్‌ ఆమోదం తెలిపింది. ఈ చట్టం ప్రకారం మేఘాలయాలో ఇతరులు ఎవరైనా ఉండాలంటే 24 గంటలు మాత్రమే ఉండాలి. 24 గంటలకు మించి ఉంటే వివరాలు ప్రభుత్వా అధికారుల వద్ద నమోదు చేయాలని సూచింది. త్వరలోనే జరగబోయే అసెంబ్లీ సమావేశాల్లో ఆమోదం పొందిన వెంటనే ఈ చట్టం అమల్లోకి వస్తుందని డిప్యూటీ సీఎం ప్రెస్టోన్ టిన్సోంగ్ వెల్లడించారు.

మేఘాలయ రాష్ట్రంలోకి ప్రవేశించే వలసదారులను కట్టడి చేయడానికి కాంగ్రెస్ ప్రభుత్వం ‎‎MRSSA2016 రూపొందించింది. భద్రత అంశాన్ని దృష్టిలో తాజా సవరణలు చేసినట్లు ప్రభుత్వం తెలిపింది. అయితే కేంద్ర రాష్ట్ర సర్వీసు ఉద్యోగులకు ఈ చట్టం వర్తించదు. ఆన్‌లైన్ రిజిస్ట్రేషన్ చేసుకునేలా బయటి వ్యక్తులు సులువుగా నిబంధనలు తీసుకొస్తామని ఉపముఖ్యమంత్రి తెలిపారు. ఎవరైనా తప్పుడు ధృవీకరణ పత్రాలు సమర్పిస్తే చట్ట ప్రకారం శిక్షార్హులుగా పరిగణిస్తామని తెలిపారు.