భారీ బడ్జెట్ సినిమాలో నితిన్

'శ్రీనివాస కల్యాణం' సినిమాతో ముచ్చటగా మూడవ డిజాస్టర్ అందుకున్న యువ హీరో నితిన్ గత కొంత కాలంగా సైలెంట్ గా ఉన్నప్పటికీ ఇప్పుడు సినిమాలు లైన్లో పెట్టడంలో జోరు కనపరుస్తున్నాడు. 'చలో' ఫేమ్ వెంకీ కుడుములతో 'భీష్మ' సినిమా పోస్టర్ ని ఈమధ్యనే విడుదల చేశారు. ఇప్పుడు ఫ్యాన్స్ కి మరొక తీపి కబురు చెప్పాడు. తన ఓన్ ప్రొడక్షన్ లో నితిన్ ప్రొడక్షన్ నెంబర్ 6 ప్రకటించడం ఫ్యాన్స్ కి మరింత ఆనందంగా ఉంది. 'రౌడీ ఫెలో' ఫేమ్ కృష్ణ చైతన్య, నితిన్ కి మధ్య మంచి బాండింగ్ ఉంది. 'చల్ మోహన్ రంగా' సినిమాతో అది మరింత బలపడింది.

ఇప్పుడు కృష్ణ చైతన్య వినిపించిన కథ బాగా నచ్చడంతో తన శ్రేష్ఠ్ మూవీస్ బ్యానర్ మీద స్వంతంగా నిర్మించేందుకు నితిన్ రెడీ అయ్యాడు. ఇది ప్యాన్ ఇండియా సినిమా అని సమాచారం. నితిన్ కెరీర్ లో మొట్టమొదటిసారిగా మూడు భాషల్లో నితిన్ సినిమా విడుదల కానుంది. దానికి తగ్గట్టే భారీ బడ్జెట్, స్టార్ కాస్ట్ తో సినిమా రూపుదిద్దుకోనుంది. దీనికి 'పవర్ పేట' అనే టైటిల్ ఫిక్స్ చేసారని సమాచారం. నితిన్ ఎప్పుడూ చెయ్యని కథాంశం తో సినిమా నడుస్తుందట. మరి ఇలాంటి సినిమాతో నితిన్ ఇదివరకు ఎప్పుడూ అందుకోనంత పెద్ద హిట్ అందుకుంటాడా లేదా చూడాలి.