Uppena TRP Rating: టీఆర్‌పీ రేటింగ్‌లో 'ఉప్పెన'లా ఎగిసింది

Uppena TRP Rating: ఈ ఏడాది విడుదలైన ఉప్పెన భారీ విజయం సాధించిన సంగతి తెలిసిందే. అలాగే పలు రికార్డులను కూడా తన పేరుతో టాలీవుడ్ లో చరిత్రలో లిఖించుకుంది ఈ సినిమా. వైష్ణవ్ తేజ్, కృతి శెట్టి జంటగా నటించారు. ఈ సినిమాకు బుచ్చిబాబు దర్శకత్వం వహించాడు.

థియేటర్లో సత్తా చాటి, ఓటీటీ లో అత్యధిక వ్యూస్ తో ఉరకలెత్తిచిన ఈ సినిమా.. మరో రికార్డును సొంతం చేసుకుంది. తాజాగా ఈ సినిమా మా టీవీలో వరల్డ్ టెలివిజన్ ప్రీమియర్‌గా ప్రసారమైంది. టీఆర్పీ రేటింగ్‌లోనూ తన సత్తాను చాటింది. ఏకంగా 18.5 టీఆర్పీ రేటింగ్ దక్కించుకుంది. డెబ్యూ హీరోల సినిమాలలో ఎక్కువ రేటింగ్ దక్కించుకున్న సినిమా రికార్డుల్లోకి ఎక్కింది ఉప్పెన.

బాక్సాఫీస్‌ వద్ద వసూళ్ల పరంగా నిర్మాతలకు కాసుల వర్షం కురిపించిన ఈ సినిమాను మైత్రి మూవీ మేకర్స్, సుకుమార్ రైటింగ్ కలిసి నిర్మించారు. ఈ చిత్రం వంద కోట్ల రూపాయలకు పైగా గ్రాస్ వసూలు చేసింది. దేవి శ్రీ ప్రసాద్‌ సంగీతం, విలన్‌గా విజయ్‌ సేతుపతి నటన సినిమాకు ప్లస్‌ పాయింట్‌గా నిలిచాయి.