ఫిబ్రవరి టాలీవుడ్ బాక్స్ ఆఫీస్ రిపోర్ట్

ఈ ఏడాది మొదటినేల జనవరిలో బాక్స్ ఆఫీస్ కి మంచి కలెక్షన్లతో దద్దరిల్లిపోయింది. మహేష్ బాబు 'సరిలేరు నీకెవ్వరు', అల్లు అర్జున్ 'అల వైకుంటపురములో' చిత్రాలు మంచి విజయాన్ని అందుకొన్ని బాక్స్ ఆఫీస్ ని షేక్ చేస్తూ ఇండస్ట్రీ రికార్డులను అందుకున్నాయి. ఇక ఆ తరవాత వచ్చిన సినిమాలు ఆ జోరును కనబరచలేకపోయిన పర్వాలేదు అనిపించాయి. ఇక ఫిబ్రవరి నెలలో ఆకట్టుకున్న చిత్రాలు ఏంటో చూద్దాం..

జాను :

భారీ అంచనాల నడుమ ఈ చిత్రం విడుదలైంది. తమిళ చిత్రం '96'కు రీమేక్‌గా తెరకేక్కడం, శర్వానంద్‌, సమంత కీలక పాత్రల్లో నటించడంతో సినిమాపైన మంచి అంచనాలు ఏర్పడ్డాయి. అయితే ఈ సినిమా ఆశించిన స్థాయిలో లేకపోవడంతో కొన్ని వర్గాల ప్రేక్షకులను మాత్రమే ఆకట్టుకోగలిగింది. కానీ ప్రేమికులకి ఓ మంచి చిత్రంగా నిలిచింది. ఈ సినిమాని ప్రముఖ నిర్మాత దిల్ రాజు నిర్మించారు.

వరల్డ్‌ ఫేమస్‌ లవర్‌ :

జాను తర్వాత ఈ నెలలో భారీ అంచనాల మధ్య రిలీజైన ఈ సినిమా ఆకట్టుకోలేకపోయింది. విజయ్ దేవరకొండ తో నలుగురు హీరోయిన్స్, భారీ నిర్మాణ సంస్థ తెరకెక్కించిన సినిమా అయినప్పటికీ కథలో కొత్తదనం లేకపోవడంతో ప్రేక్షకులకు రుచించలేదు. కానీ దర్శకుడు క్రాంతిమాధ‌వ్ రచయితగా ఆకట్టుకున్నాడు. క్రియేటివ్ కమర్షియల్ ఈ సినిమాని నిర్మించింది.

భీష్మ :

నితిన్, రష్మిక మందన్నా హీరో హీరోయిన్స్ గా వెంకీ కుడుముల దర్శకత్వంలో తెరకెక్కిన ఈ సినిమాకి ప్రేక్షకుల నుంచి మంచి రెస్పాన్స్ వచ్చింది. ఆధ్యంతం హాస్యంతో సినిమా సాగడంతో ప్రేక్షకులు సినిమాని పెద్ద హిట్ గా మలిచారు. ఇక ఫిబ్రవరిలో బాక్సాఫీస్‌ కింగ్‌ గా ఈ చిత్రం నిలిచిందని చెప్పడంలో ఎలాంటి సందేహం అవసరం లేదు.. ఈ సినిమాని సితార ఎంటర్టైన్మెంట్ ఈ సినిమాని నిర్మించింది.

హిట్‌ :

విశ్వక్‌సేన్‌ హీరోగా నటించిన ఈ సినిమా మంచి విజయాన్ని సొంతం చేసుకుంది. నాని నిర్మాతగా వ్యవహరించడంతో సినిమాపైన భారీ అంచనాలు నెలకొన్నాయి. అంచనాలకి తగ్గట్టుగా సినిమా ఉండడం, థ్రిల్లర్ అంశాలు ఆకట్టుకోవడంతో ప్రేక్షకులకి బాగానే కనెక్ట్ అయింది.

ఇక ఈ నెలలో నీవల్లే నీవల్లే, సవారీ, త్రీ మంకిస్, డిగ్రీ కాలేజ్ , లైఫ్ అనుభవించు రాజా, ఒక చిన్న విరామం, హీరో హీరోయిన్, చీమ ప్రేమ మధ్యలో భామ, ప్రెజర్‌ కుక్కర్‌ మొదలగు చిత్రాలు నిలిచినప్పటికీ ఆశించిన విజయాలను సాధించలేకపోయాయి.