టెర్మినేటర్: డార్క్ ఫేట్ తెలుగు ట్రైలర్ విడుదల

హాలీవుడ్ స్టార్ హీరో ఆర్నాల్డ్ పేరు వింటేనే టెర్మినేటర్ సినిమాలు గుర్తుకొస్తాయి. అయితే టెర్మినేటర్ సిరీస్‌లో వచ్చిన అన్ని చిత్రాలు యాక్షన్ సన్నివేశాలు ఒళ్లు గగుర్పొడిచేలా ఉంటాయి. ఈ సిరీస్ లో వచ్చిన అన్ని చిత్రాలు విజయాలను నమోదు చేసుకున్నాయి. తాజాగా టర్మినేటర్ ప్రాంచైజీలో మరో సినిమా "టర్మినేటర్ డార్క్ ఫేట్" తెరకెక్కుతోంది. ఈ సినిమా ట్రైలర్ తెలుగులో నేడు ప్రేక్షకుల ముందుకువచ్చింది. "టర్మినేటర్ డార్క్ ఫేట్ " ఇంగ్లీష్ , హిందీ,లోనే కాకుండా ఈ చిత్రం తెలుగు, తమిళం, కన్నడ, మలయాళం భాషల్లోనూ విడుదలవుతోంది. నవంబర్ 1న సినిమా విడుదల కానుంది.

ఈ ట్రైలర్‌లో ఆర్నాల్డ్ టెర్మినేటర్‌గా మరోసారి కనిపిస్తున్నాడు. లిండా హామిల్టన్ టెర్మినేటర్లను వేటాడుతూ ఉన్న సిన్స్ ఆసక్తికరంగా ఉన్నాయి. ఈ చిత్రాన్ని జేమ్స్ కామెరన్, డేవిడ్ ఎల్లిసన్ సంయుక్తంగా నిర్మించారు. టెర్మినేటర్ 2 జడ్జ్‌మెంట్ డేకు సీక్వెల్‌గా ఈ సినిమా ప్రేక్షకుల ముందుకు వస్తోంది. టిమ్ మిల్లర్ ఈ సినిమాకు దర్శకత్వం వహించారు.