సంపూ కొత్త సినిమా షురూ

హృదయకాలేయం సినిమాతో చిత్ర పరిశ్రమకి పరిచయం అయ్యాడు హీరో సంపూర్ణేష్ బాబు.. మొదటి సినిమాతో అందరిని ఆకట్టుకున్న సంపూని అందరు బ‌ర్నింగ్ స్టార్ అని ముద్దుగా పిలుచుకుంటారు.. ఈ సినిమా తర్వాత సంపూ చాలా సినిమాల్లో నటించినప్పటికీ అవి ఆశించిన ఫలితాలను ఇవ్వలేకపోయాయి.. ఇక గత ఏడాది చేసిన కొబ్బరిమట్ట సంపూని మళ్లీ కం బ్యాక్ అనిపించింది.

ఆ సినిమా ఇచ్చిన సక్సెస్ తో మరో సినిమాని మొదలు పెట్టాడు సంపూ..ఎన్‌.హరిబాబు ద‌ర్శక‌త్వంలో ఓ చిత్రం చేస్తున్నారు. సంతనూతలపాడులోని కృష్ణసాయి గ్రానైట్‌ ఫ్యాక్టరీ ప్రాంగణంలో ఈ సినిమా షూటింగ్ ప్రారంభం అయింది. ఈ సినిమాలో సంపూ సరనస కొత్త అమ్మాయి హీరోయిన్ గా నటిస్తుంది.

పృథ్వీ , షియాజీ షిండే, కత్తి మహేష్‌, తనికెళ్ల భరణి, సుధాతో పాటు పలువురు నటినటులు ఈ సినిమాలో నటిస్తున్నారు. ఈ సినిమాకి సీనియర్ రచయిత మరుదూరి రాజా మాటలు అందిస్తుండగా, కెమెరామెన్‌గా అడుసుమల్లి విజయ్‌కుమార్, ఎడిటింగ్‌ గౌతమ్‌రాజు, ఎగ్జిక్యూటివ్‌ ప్రొడ్యూసర్‌గా అలవలపాటి శేఖర్, నిర్మాతలుగా ఎస్‌ శ్రీనివాసరావు, నారాయణ, చిరంజీవి వ్యవహరిస్తున్నారు. ఈ సినిమాని ఈ ఏడాది సమ్మర్ లో రిలీజ్ చేయనున్నారు.