'ఆర్ఆర్ఆర్' ఓటీటీ రిలీజ్ డేట్ వచ్చేసింది...

RRR - OTT Release Date: మెగా పవర్ స్టార్ రామ్ చరణ్ మరియు యంగ్ టైగర్ ఎన్టీఆర్ హీరోలుగా ఈ మధ్యనే థియేటర్లలో విడుదలైన మల్టీస్టారర్ ఇండియన్ సినిమా "ఆర్ ఆర్ ఆర్". బాహుబలి సినిమా తరువాత ఎస్.ఎస్.రాజమౌళి దర్శకత్వం వహించిన సినిమా ఇది. భారీ అంచనాల మధ్య విడుదలైన ఈ సినిమాలో రామ్ చరణ్ అల్లూరి సీతారామరాజు పాత్రలో కనిపించగా, ఎన్టీఆర్ కొమరం భీం పాత్రలో కనిపించారు.

అలియాభట్, అజయ్ దేవగన్, శ్రీయ శరణ్, రే స్టీవెన్సన్, యాలిసన్ డూడి తదితరులు ముఖ్య పాత్రలు పోషించిన ఈ సినిమా మార్చ్ 31న థియేటర్లలో విడుదలైంది. అంచనాలకు మించి ప్రేక్షకులను అలరించిన ఈ సినిమా బాక్సాఫీస్ వద్ద భారీ కలెక్షన్లతో రికార్డుల వర్షం కురిపించింది. కొన్ని ప్రాంతాల్లో బాహుబలి కలెక్షన్లను సైతం దాటి ఈ సినిమా సరికొత్త రికార్డులను సృష్టించింది.

ఇక ఈ సినిమా హిందీ డిజిటల్ రైట్స్ ను డిజిటల్ దిగ్గజం నెట్ ఫ్లిక్స్ సొంతం చేసుకోగా తెలుగు, తమిళం, మలయాళం మరియు కన్నడ భాషల డిజిటల్ రైట్స్ ను జీ 5 వారు సొంతం చేసుకున్నారు. ఇక ఈ సినిమా మే 20న జి 5 మరియు నెట్ ఫ్లిక్స్ లో స్ట్రీమ్ కాబోతోంది. అభిమానులు కూడా ఈ సినిమాని మళ్లీ చూసేందుకు అంతే ఆసక్తిగా ఎదురు చూస్తున్నారు.