logo

పక్క రాష్ట్రాల్లో సందడి చేయనున్న మెగా పవర్ స్టార్ సినిమా

పక్క రాష్ట్రాల్లో సందడి చేయనున్న మెగా పవర్ స్టార్ సినిమా
Highlights

మెగా పవర్ స్టార్ రాంచరణ్ 'రంగస్థలం' సినిమాతో కెరీర్ లోనే అతిపెద్ద బ్లాక్ బస్టర్ ను అందుకున్నారు. బాక్సాఫీస్...

మెగా పవర్ స్టార్ రాంచరణ్ 'రంగస్థలం' సినిమాతో కెరీర్ లోనే అతిపెద్ద బ్లాక్ బస్టర్ ను అందుకున్నారు. బాక్సాఫీస్ వద్ద కాసుల వర్షం కురిపించిన ఈ సినిమా బయ్యర్లు, డిస్ట్రిబ్యూటర్ల పంట పండించింది. చెవిటివాడిగా రామ్ చరణ్ నటన ఈ సినిమాకి హైలైట్ గా మారింది. 120 కోట్ల షేర్ ను రాబట్టి ఈ చిత్రం టాలీవుడ్ రికార్డులను బ్రేక్ చేస్తూ, నాన్ బాహుబలి జాబితాలో మొట్టమొదటి స్థానాన్ని గెలుచుకుంది. ఇప్పటిదాకా తెలుగు ప్రేక్షకులను అలరించిన ఈ సినిమా ఇప్పుడు వేరే భాష ప్రేక్షకుల వద్ద అదృష్టాన్ని పరీక్షించుకోనుంది. తాజా సమాచారం ప్రకారం 'రంగస్థలం' సినిమా మలయాళం, కన్నడ మరియు తమిళ భాషల్లో విడుదల కానుంది.

ఈ సినిమా త్వరలోనే ఈ నెలలోనే విడుదల అయ్యే అవకాశాలు కనిపిస్తున్నాయని సమాచారం. తెలుగు సినిమాలు తమిళ, మలయాళ భాషల్లో డబ్ అవ్వడం ఎప్పుడు జరిగే పనే కానీ కన్నడలో మాత్రం ఇది రేర్ అని చెప్పుకోవచ్చు. మరి తెలుగు ప్రేక్షకులను బీభత్సంగా బాగా మెప్పించిన ఈ సినిమా మిగతా మూడు భాషల్లో ప్రేక్షకులను ఎంతవరకూ అలరిస్తుందో వేచి చూడాల్సి ఉంది. సుకుమార్ దర్శకత్వం వహించిన ఈ పీరియడ్ డ్రామా లో సమంత హీరోయిన్ గా నటించగా, ఆది పినిశెట్టి మరియు ప్రకాష్ రాజ్ ముఖ్య పాత్రలు పోషించారు.

లైవ్ టీవి

Share it
Top