SSMB 29 : మహేష్ బాబు-రాజమౌళి సినిమా రిలీజ్ కాకముందే వరుస కష్టాలు.. ఈ గొడవేంటి మావ

SSMB 29 : ప్రస్తుతం మహేశ్ బాబు, రాజమౌళి తమ తదుపరి సినిమా షూటింగ్‌లో బిజీగా ఉన్నారు. ఈ సినిమా షూటింగ్ కెన్యాలో జరుగుతోంది. నవంబర్​లో ఈ చిత్రం గురించి అప్​డేట్ ఇస్తానని రాజమౌళి గతంలో ప్రకటించారు. అయితే, అంతకంటే ముందే ఈ సినిమాకు పెద్ద ఎదురుదెబ్బ తగిలింది. సినిమా సెట్ నుంచి కొన్ని ఫొటోలు లీక్ అయ్యాయి. ఈ విషయం రాజమౌళిని ఆందోళనకు గురిచేసింది.

టైటిల్ రివీల్ కాకముందే.. లీక్స్!

రాజమౌళి, మహేశ్ బాబు సినిమా షూటింగ్ ప్రారంభమై చాలా కాలం అయింది. కానీ, టీమ్ నుంచి ఇప్పటివరకు ఎటువంటి అధికారిక ప్రకటన రాలేదు. ఈ సినిమా టైటిల్ కూడా ఇంకా రివీల్ కాలేదు. ఇలాంటి పరిస్థితుల్లో, కొందరు సినిమా సెట్ ఫొటోలను లీక్ చేస్తున్నారు. ఈ లీకులు అభిమానులను కూడా నిరాశపరుస్తున్నాయి.

సాధారణంగా రాజమౌళి సినిమా సెట్లలో చాలా జాగ్రత్తలు తీసుకుంటారు. షూటింగ్ సమయంలో ఎవరూ మొబైల్ ఫోన్లు తీసుకురావద్దని ఆయన కఠినంగా సూచిస్తారు. అయినప్పటికీ, కొందరు సీక్రెట్‎గా మొబైల్‌ను ఉపయోగించిన సందర్భాలు ఉన్నాయి. ఇదే ఇప్పుడు సినిమా టీమ్‌కు ఇబ్బందిగా మారింది.

అసలు లీక్ అయిన ఫొటోలో ఏముంది?

లీక్ అయిన ఫొటోలలో మహేశ్ బాబు కెన్యా అడవుల్లో ఒక సింహం ముందు గొడ్డలి పట్టుకుని నిలబడి ఉన్నట్లు కనిపిస్తోంది. ఈ ఫొటోలో ఆయన లుక్ కూడా రివీల్ అయింది. కొంతమంది ఈ ఫొటోలను ఏఐ ద్వారా ఎడిట్ చేసి, మహేశ్ బాబు లుక్ ఎలా ఉంటుందో ఊహించి పోస్ట్ చేస్తున్నారు.

ఈ సినిమాకు ఇంకా అధికారిక టైటిల్ ఖరారు కాలేదు. ఎస్​ఎస్​ఎంబీ 29 అనే వర్కింగ్ టైటిల్‌తో ఈ చిత్రం ముందుకు వెళ్తోంది. నవంబర్​లో దీని గురించి అప్​డేట్ రావచ్చు. ఈ సినిమాలో మహేశ్ బాబుతో పాటు ప్రియాంకా చోప్రా కూడా నటిస్తున్నట్లు సమాచారం.