ప్రభాస్ కోసం సముద్రంలో ఫైట్ ప్లాన్ చేస్తున్న ప్రశాంత్ నీల్

Prashanth Neel: "బాహుబలి" సినిమా తో ప్యాన్ ఇండియన్ స్టార్ గా మారిపోయిన యంగ్ రెబల్ స్టార్ ప్రభాస్ ఆ తర్వాత చేసిన "సాహో" మరియు "రాధేశ్యామ్" సినిమాలతో మాత్రం బాక్సాఫీస్ వద్ద డిజాస్టర్లు అందుకున్నారు. దీంతో తన తదుపరి సినిమాతో ఎలా అయినా హిట్ కొట్టాలని ప్రభాస్ నిర్ణయించుకున్నారు. ఈ నేపథ్యంలోనే తన తదుపరి సినిమా "సలార్" విషయంలో చాలా జాగ్రత్తలు కూడా తీసుకుంటున్నారు.

అయితే తాజాగా ఈ సినిమా గురించిన ఒక ఆసక్తికరమైన వార్త ఇప్పుడు సోషల్ మీడియాలో వైరల్ గా మారింది. ఈ సినిమా క్లైమాక్స్ పై ఒక ఇంట్రెస్టింగ్ అప్ డేట్ ఇప్పుడు అందరి దృష్టిని ఆకర్షిస్తోంది. సినిమా క్లైమాక్స్ మొత్తం సముద్రంలో జరుగుతుందట. ముఖ్యంగా సముద్రం లోపల చేసే ఛేజింగ్ సన్నివేశాలు ఓ రేంజ్ లో ఉంటాయని తెలుస్తోంది.

కేజీఎఫ్ లాంటి హై వోల్టేజ్ కి తీసిన ప్ర‌శాంత్ నీల్ ఈ సినిమాతో ఎలాంటి మ్యాజిక్ చేస్తారా అని అభిమానులు ఆసక్తిగా ఎదురుచూస్తున్నారు. సినిమాపై రోజురోజుకు అంచనాలు రెట్టింపు అవుతున్నాయి. శృతిహాసన్ హీరోయిన్ ఈ సినిమాలో హీరోయిన్ గా నటిస్తోంది. మరోవైపు ప్రభాస్ ఓం రౌత్ దర్శకత్వంలో "ఆది పురుష్", నాగ అశ్విన్ డైరెక్షన్లో "ప్రాజెక్ట్ కే" మరియు సందీప్ వంగా డైరెక్షన్లో "స్పిరిట్" సినిమాలతో కూడా బిజీగా ఉన్నారు.