ఈసారి రెండు దెయ్యాలట

2016లో ప్రభుదేవా, తమన్నా హీరోహీరోయిన్లుగా నటించిన 'దేవి' సినిమా తెలుగులో 'అభినేత్రి' గా విడుదలై మంచి విజయాన్ని సాధించింది. హారర్ కామెడీగా ప్రేక్షకుల ముందుకు వచ్చిన ఆ చిత్రం ఎండింగ్ లో దెయ్యం రూబీ మళ్లీ వచ్చినట్లుగా చూపిస్తారు. ఇప్పుడు ఆ చిత్రం సీక్వెల్ గా 'అభినేత్రి 2' అనే సినిమా త్వరలో ప్రేక్షకుల ముందుకు రాబోతోంది. ఈ సినిమాలో ప్రభుదేవా, తమన్నా, డింపుల్ హాయాతి, నందిత శ్వేతా ముఖ్య పాత్రల్లో కనిపించబోతున్నారు. తాజాగా ఈ చిత్ర టీజర్ ను విడుదల చేశారు దర్శక నిర్మాతలు.

ఒక నిమిషం నిడివి గల ఈ వీడియో ఈ సినిమా మొదటి పార్ట్ మొదటి భాగం ఎక్కడైతే ఎండ్ అయిందో ఈ చిత్ర టీజర్ కూడా అక్కడి నుంచే మొదలవుతుంది. ఈ సినిమా టీజర్ చూస్తే ఈ సినిమాలో రెండు దయ్యాలు ఉండబోతున్నాయని అనిపిస్తుంది. ప్రభుదేవా బాడీ లో అలెక్స్ అనే దయ్యం పట్టినట్టుగా అర్థం అవుతోంది. ఈ సినిమాలో సపోర్టింగ్ ఆర్టిస్ట్ కోవై సరళ ఈ సినిమాలో చెప్పిన డైలాగ్ వింటే ఈ సినిమాలో రెండు దయ్యాలు ఉండబోతున్నాయని తెలుస్తుంది. అభిషేక్ పిక్చర్స్ పతాకంపై నిర్మిస్తున్న ఈ చిత్రానికి సామ్ సీఎస్ సంగీతాన్ని అందిస్తున్నారు. ఈ సినిమా మే 1వ తారీఖున ఆ విడుదల కానుంది.