Prabhas: "ఆది పురుష్" టీమ్ కి సర్ప్రైజ్ ఇచ్చిన ప్రభాస్

Prabhas Gifts Rado Watches: యంగ్ రెబల్ స్టార్ ప్రభాస్ అభిమానులు అందరూ ప్రస్తుతం ఆసక్తిగా ఎదురు చూస్తున్న సినిమా "ఆది పురుష్". రామాయణం ఆధారంగా తెరకెక్కనున్న ఈ మైథలాజికల్ డ్రామా కి బాలీవుడ్ దర్శకుడు ఓం రౌత్ దర్శకత్వం వహిస్తున్నారు. ఈ సినిమాలో ప్రభాస్ శ్రీరాముడి పాత్రలో కనిపించబోతున్నారు. బాలీవుడ్ బ్యూటీ కృతి సనన్ సీత పాత్రలో కనిపించనుండగా, రావణాసురుడి పాత్రలో సైఫ్ అలీఖాన్, లక్ష్మణ పాత్రలో సన్నీ సింగ్ నటిస్తున్నారు. తాజాగా ఈ చిత్రం షూటింగ్ ని పూర్తి చేసుకున్న ప్రభాస్ చిత్ర బృందం లోని ప్రతి ఒక్కరికీ మంచి రిస్ట్ వాచీలను గిఫ్ట్ గా ఇచ్చారట.

ఈ విషయాన్ని ఒక టీం మెంబర్ సోషల్ మీడియా ద్వారా పంచుకున్నారు. ఇప్పుడు ఇంటర్నెట్ లో వైరల్ గా మారింది ఈ వార్త. ప్రభాస్ చేసిన ఈ పనిపై అందరూ ప్రశంసల వర్షం కురిపిస్తున్నారు. ప్రభాస్ విశాల హృదయానికి అభిమానులు జేజేలు పలుకుతున్నారు. ఇక "ఆది పురుష్" సినిమా వచ్చే ఏడాది ఆగస్ట్ 11 విడుదలకి సిద్ధమవుతున్నట్లుగా చిత్రబృందం ప్రకటించింది. టీ సిరీస్ మరియు రెట్రో ఫైల్స్ సంయుక్తంగా నిర్మించిన ఈ సినిమాకి సాచెత్-పరంపర సంగీతాన్ని అందించారు.