logo
సినిమా

Pawan Kalyan: హరీష్ శంకర్ సినిమాని పక్కనపెట్టిన పవన్

Pawan Kalyan Postpones Harish Shankar Movie
X

Pawan Kalyan: హరీష్ శంకర్ సినిమాని పక్కనపెట్టిన పవన్

Highlights

Pawan Kalyan: హరీష్ శంకర్ సినిమా ని వాయిదా వేసిన పవన్ కళ్యాణ్

Pawan Kalyan: ఈ మధ్యనే "వకీల్ సాబ్" సినిమాతో మళ్లీ సినిమాల్లోకి రీ ఎంట్రీ ఇచ్చిన పవర్ స్టార్ పవన్ కళ్యాణ్ "భీమ్లా నాయక్" సినిమాతో మరొక సూపర్ హిట్ ను తన ఖాతాలో నమోదు చేసుకున్నారు. తాజాగా ఇప్పుడు పవన్ కళ్యాణ్ చేతిలో కొన్ని మంచి ప్రాజెక్టులు ఉన్నాయి. దసరా తర్వాత రాజకీయాల్లో బిజీ అవ్వాలని నిర్ణయించుకున్న పవన్ కళ్యాణ్ పెండింగ్ ఉన్న ప్రాజెక్టులన్నీ పూర్తి చేయాలని అనుకుంటున్నారు. అయితే క్రిష్ దర్శకత్వంలో పవన్ కళ్యాణ్ హీరోగా నటిస్తున్న "హరిహర వీరమల్లు" సినిమా షూటింగ్ 30 శాతం పూర్తయింది. మరొక 30 నుంచి 40 రోజులు ఈ సినిమా కోసం పవన్ కళ్యాణ్ కేటాయిస్తే మిగతా సినిమా షూటింగ్ కూడా పూర్తవుతుంది.

ఈ నేపథ్యంలో పవన్ కళ్యాణ్ ఈ సినిమాకే తన ప్రయారిటీ చూపిస్తున్నట్లు తెలుస్తోంది. ఇక ఈ సినిమా తర్వాత "వినోదయ సితం" అనే తమిళ సూపర్ హిట్ సినిమాని తెలుగులో రీమేక్ చేయబోతున్నారు పవన్ కళ్యాణ్. సాయి ధరమ్ తేజ్ ఈ సినిమాలో ముఖ్య పాత్రలో కనిపించబోతున్నారు. కానీ తాజా సమాచారం ప్రకారం హరీష్ శంకర్ డైరెక్షన్ లో చేయాల్సిన "భవదీయుడు భగత్ సింగ్" సినిమా విషయంలో పవన్ కళ్యాణ్ అంతగా ఆసక్తి చూపించడం లేదని తెలుస్తోంది. అయితే తాజా సమాచారం ప్రకారం తన రాజకీయ పనులన్నీ పూర్తయిన తరువాత మాత్రమే ఈ సినిమా పట్టాలెక్కించాలని పవన్ అనుకుంటున్నారట. అంటే 2024 ఎలక్షన్ల వరకు ఈ సినిమా పట్టాలెక్కి అవకాశాలు లేవన్న మాట.

Web TitlePawan Kalyan Postpones Harish Shankar Movie
Next Story