మారుతీరావు ఆత్మహత్యపై స్పందించిన టాలీవుడ్ డైరెక్టర్

అమృతాప్రణయ్ తండ్రి మారుతీరావు శనివారం ఆర్థరాత్రి ఖైరతాబాద్‌లోని ఆర్యవైశ్యా భవన్‌లో విషం తాగి ఆత్మహత్య చేసుకున్న విషయం తెలిసిందే. గతంలో మిర్యాలగూడలో అమృత భర్త ప్రణయ్ హత్య సంచలనం సృష్టించిన సంగతి తెలిసిందే. ఆ హత్యతో ప్రధాన నిందితుడిగా మారుతీరావు ఉన్న సంగతి తెలిసిందే. ఈ ఘటనపై 'పలాస 1978' చిత్ర దర్శకుడు కరుణ కుమార్ స్పందించారు. ఓ అమ్మాయి, అబ్బాయి ప్రేమించుకుని అందమైన జీవితం ప్లాన్ చేసుకుంటారు. ఈ నేపథ్యంలో అమ్మాయి గర్భందాలిస్తే చెకప్ కోసం ఆస్పత్రికి ఆమె భర్తతో కలిసి వెళ్తుండగా రోడ్డుపై నరికేశారు.

ఈ ఘటన జరిగేముందు పుట్టబోయే బిడ్డ గురించి ఆలోచిస్తారు. భర్త మరణంతో వారి కలలన్ని ఆవిరైపోతాయి. దీనికి కారణం కులం. తిరిగి ఏడాది తర్వాత ఆ అమ్మయి తండ్రి చనిపోయాడు. ఆ అబ్బాయి మంచి వాడు కాకపోతే బిడ్డకు నచ్చజెప్పినా ఒక అర్థం ఉంటుంది. తక్కువ కులానికి చెందినవాడు అని చంపేయడం సబాబేనా? మారుతీరావు ఆత్మహత్య చేసుకోవాల్సిన పరిస్థితి ఎదురయ్యేది కాదు కదా?. ప్రణయ్ తమ కులానికి మచ్చ తెచ్చాడని, ఆ కులానికి చెందివాళ్లు మారుతీరావు విగ్రహం పెట్టిన ఆశ్చర్యంలేదు.

'పలాస 1978' ఈ సినిమాలో కూడా ఎవరి కులాన్ని కూడా ఎక్కవ, తక్కువ చేసి చూపించలేదు. అందరినీ సమానంగానే చూపించాంమని కురణ కుమార్ అన్నారు. రక్షిత్, నక్షత్ర మెయిన్ లీడ్ లో నటించిన ఈ చిత్రానికి కరుణ కుమార్ దర్శకత్వం వహించగా, ధయాన్ అట్లూరి సినిమాని నిర్మించారు. ఈ సినిమా మార్చ 6న విడుదలైంది. ఈ సినిమాలో కథ కులాల మధ్య సాగుతోంది.