Bheeshma: అదరగొట్టిన భీష్మ.... ఫస్ట్ డే కలెక్షన్స్ భీభత్సం

శ్రీనివాస కళ్యాణం సినిమా తర్వాత చాలా గ్యాప్ తీసుకొని సినిమాని చేశాడు హీరో నితిన్... పక్కా ఫ్యామిలీ ఎంటర్టైన్మెంట్ గా తెరకెక్కిన ఈ చిత్రం భారీ అంచనాల నడుమ మహాశివరాత్రి సందర్భంగా నిన్న ప్రేక్షకుల ముందుకు వచ్చింది. నితిన్ సరసన రష్మిక మందన్నా హీరోయిన్ గా నటించింది. ఈ సినిమాకి ఛలో ఫేం వెంకీ కుడుముల దర్శకత్వం వహించగా, సీతార ఎంటర్టైన్మెంట్ సినిమాని నిర్మించింది. సినిమాకి మొదటి షో నుంచే మంచి టాక్ వచ్చింది.

ఆడియన్స్ నుంచి రివ్యూలు వరకు ఎక్కడ చూసిన అసలు జనాలు సీట్లలో కూర్చుంటేగా అన్నట్టుగానే సాగింది. అడుగడుగునా పంచెస్ తో,బ్యాక్ బ్యాక్ హిలేరియస్ సీన్స్ తో కితకితలు పెట్టి కామిడీ సన్నివేశాలు, నితిన్ డాన్స్, ఫైట్స్ ఇలా అన్ని వేటికవే సమానంగా నిలిచాయి. దీనితో సినిమా మొదటి రోజు రూ.6 కోట్లు వసూలు చేసినట్లు తెలుస్తోంది. ఇదే నితిన్ కెరీర్ లోనే ది బెస్ట్ ఓపెనింగ్స్ గా రికార్డు సృష్టించాయి.

ఇక ఏరియాల వారీగా ఈ సినిమా కలెక్షన్లు ఈ విధంగా ఉన్నాయి.

నైజాం – 2.20 కోట్లు

సీడెడ్ – 0.80 కోట్లు

నెల్లూరు – 0.27 కోట్లు

కృష్ణా – 0.40 కోట్లు

గుంటూరు – 0.77 కోట్లు

వైజాగ్ – 0.62 కోట్లు

ఈస్ట్ – 0.66 కోట్లు

వెస్ట్ – 0.56 కోట్లు

టోటల్ ఏపీ+తెలంగాణ – 6.28 కోట్లు

ఈ సినిమాకి దాదాపుగా 30 కోట్ల వరకు ప్రీ రిలీజ్ బిజినెస్ జరిగిందని తెలుస్తోంది. మొదటిరోజే సినిమా ఆరు కోట్ల కలెక్షన్స్ ని రాబట్టింది. ఇక ప్రస్తుతం టాక్ కూడా బాగా రావడంతో సినిమాకి మరిన్ని కలెక్షన్స్ వచ్చే అవకాశాలు ఉన్నాయి. ఇక ఈ సినిమా తర్వాత నితిన్ విభిన్నమైన కథలను తెరకెక్కించే చంద్రశేఖర్ ఏలేటి దర్శకత్వంలో ఓ సినిమాని, తొలిప్రేమ ఫేం వెంకీ అట్లూరి దర్శకత్వంలో రంగ్ దే చిత్రంలో నటిస్తున్నాడు. రంగ్ దే చిత్రంలో నితిన్ కి జోడిగా కీర్తి సురేష్ నటిస్తోంది. ఇక కృష్ణ చైతన్య దర్శకత్వంలో ఓ సినిమాని చేసేందుకు పిక్స్ అయ్యాడు నితిన్.. ఈ సినిమాలు ఈ సంవత్సరంలోనే విడుదల చేయనున్నారు.