తెలుగు సినీ ఇండస్ట్రీలో విషాదం: ప్రముఖ దర్శకుడు ఏ.ఎస్. రవికుమార్ చౌదరి కన్నుమూత

కెరీర్ హైలైట్స్:

2002లో "మనసుతో..." సినిమాతో దర్శకుడిగా పరిచయమైన రవికుమార్ చౌదరి, గోపిచంద్ నటించిన యజ్ఞం సినిమాతో బిగ్ బ్రేక్ అందుకున్నారు. ఈ సినిమాతో యువతలో పెద్ద క్రేజ్ తెచ్చుకున్నారు. ఆ తర్వాత 'వీరభద్ర', 'ఆటాడిస్తా', 'సౌఖ్యం', 'ఏం పిల్లా... ఏం పిల్లడో', 'పిల్ల నువ్వు లేని జీవితం' వంటి చిత్రాలు తెరకెక్కించారు.

ఇటీవలి కాలంలో రాజ్ తరుణ్ హీరోగా వచ్చిన తిరగబడరా సామి చిత్రానికి దర్శకత్వం వహించారు. అయితే, ఈ సినిమా ప్రమోషన్ ఈవెంట్‌లో ఓ హీరోయిన్‌కు ముద్దు పెట్టడం వివాదంగా మారి సోషల్ మీడియాలో వైరల్ అయింది.

వ్యక్తిగత జీవితంలో ఒంటరితనం:

రవికుమార్ చౌదరికి భార్య, పిల్లలు ఉన్నా... గత కొంతకాలంగా కుటుంబం నుంచి దూరంగా, ఒంటరిగా జీవితం గడిపినట్లు తెలుస్తోంది. ఆయన మరణంపై సినీ ప్రముఖులు, అభిమానులు తీవ్ర దిగ్భ్రాంతి వ్యక్తం చేస్తున్నారు.

గుర్తుండిపోయే డైలాగ్:

"సరే సరేలే... ఎన్నోన్నో అనుకుంటాం... అన్నీ జరుగుతాయా ఏంటీ?" — ఈ బహుళ వినిపించే మీమ్‌ డైలాగ్‌ రవికుమార్ చౌదరి దర్శకత్వంలో వచ్చిన వీరభద్ర సినిమాలో బాలకృష్ణ డైలాగ్ కావడం విశేషం.