National Film Awards 2025: బెస్ట్ యాక్టర్లుగా షారుక్ ఖాన్, విక్రాంత్ మస్సే

బాలీవుడ్ బాద్‌షా షారుక్ ఖాన్‌కు మరో ఘనత దక్కింది. 2023 సంవత్సరానికి గాను కేంద్ర ప్రభుత్వం ప్రకటించిన 71వ జాతీయ చలనచిత్ర అవార్డుల్లో ఆయనకు ఉత్తమ నటుడిగా ఎంపికైంది. ‘జవాన్’ చిత్రంలో ఆయన చేసిన పాత్రకు ఈ గుర్తింపు లభించింది.

ఇక ఆయనతో పాటు విక్రాంత్ మస్సే కూడా ‘12th ఫెయిల్‌’ సినిమాతో ఉత్తమ నటుడిగా ఎంపికయ్యాడు. ఈ ఇద్దరూ సంయుక్తంగా ఈ అవార్డును పొందారు.

మరోవైపు, ఉత్తమ హిందీ చిత్రంగా ‘కథల్‌’ చిత్రం ఎంపిక కాగా, ‘మిసెస్ ఛటర్జీ వర్సెస్ నార్వే’ సినిమాలో గాఢమైన భావోద్వేగంతో ఆకట్టుకున్న రాణీ ముఖర్జీకి ఉత్తమ నటి అవార్డు దక్కింది.

ఈ ఏడాది మొత్తం 15 విభాగాల్లో ఉత్తమ చిత్రాలు, నటీనటులను ఎంపిక చేసినట్లు జ్యూరీ ప్రకటించింది. అన్ని భాషల్లోని చిత్రాలను సమీక్షించి ఈ అవార్డులను కేటాయించినట్లు వెల్లడించారు.