బిగ్ బాస్ 3 అయిపొయింది.. తర్వాత ఏంటి నాగ్ ?

అక్కినేని నాగార్జున బిగ్ బాస్3 కి హోస్ట్ గా వ్యవహరించిన సంగతి తెలిసిందే.. హోస్ట్ గా చేసి మంచి పేరు తెచ్చుకున్నాడు నాగ్ ..ఇక బిగ్ బాస్ కూడా ముగిసింది .. ఇప్పుడు నాగ్ ఏం చేయబోతున్నాడు అన్నది అందరికి ఓ ప్రశ్నలాగా ఉండిపోయింది. బిగ్ బాస్ 3 కి హోస్ట్ గా చేయడంతో నాగ్ సినిమాలు చేయడం ఆపేశాడు. . ఇప్పుడు బిగ్ బాస్ అయిపోవడంతో మళ్ళీ నాగ్ సినిమాలు చేయనున్నాడు. అయితే ఏ దర్శకుడితో నాగ్ ఎలాంటి సినిమా చేయనున్నాడు అన్నది మరింత ఆసక్తిగా మారింది.

ప్రస్తుతం నాగార్జున చేతిలో బంగార్రాజు అనే సినిమా ఉంది.. ఇది ఎప్పటినుండో అనుకుంటున్నా ప్రాజెక్ట్ . కానీ రకరకాల కారణాల వల్ల సినిమా ముందుకు వెళ్లడం లేదు. అయితే ఇప్పుడు ఈ సినిమాని పట్టాలెక్కించే పనిలో నాగ్ ఉన్నట్టు తెలుస్తుంది. ఈ సినిమాకి కళ్యాణ్ కృష్ణ దర్శకత్వం వహించనున్నారు. గతంలో వచ్చిన సోగ్గాడే చిన్ని నాయనా సినిమాకి ఇది కొనసాగింపు మూవీ..ఇందులో నాగచైతన్య కూడా నటిస్తున్నట్టు సమాచారం ..