logo

బిగ్ బాస్ 3 కోసం కింగ్ రాబోతున్నాడా

బిగ్ బాస్ 3 కోసం కింగ్ రాబోతున్నాడా
Highlights

హిందీలో పాప్యులర్ అయిన రియాలిటీ టీవీ షో బిగ్ బాస్ తెలుగు లో రెండు సీజన్లు పూర్తి చేసుకున్న సంగతి తెలిసిందే....

హిందీలో పాప్యులర్ అయిన రియాలిటీ టీవీ షో బిగ్ బాస్ తెలుగు లో రెండు సీజన్లు పూర్తి చేసుకున్న సంగతి తెలిసిందే. ఎన్టీఆర్ హోస్ట్ గా వ్యవహరించిన మొదటి సీజన్ సూపర్ హిట్ నాని హోస్ట్ గా వ్యవహరించిన బిగ్ బాస్ రెండో సీజన్ బోలెడు వివాదాలను తెరపైకి తీసుకువచ్చింది. ఇక ఇదంతా పక్కనపెడితే ప్రస్తుతం బిగ్ బాస్ మూడవ సీజన్ పైనే అందరి దృష్టి పడింది. ఈ సీజన్ కి ఎవరు హోస్ట్ గా వ్యవహరించనున్నారు అనేది ఆసక్తికరమైన ప్రశ్నగా మారింది. ఇప్పటికే నాని మళ్లీ హోస్ట్ గా మారే అవకాశాలు అసలు లేవని ఖరాఖండిగా చెప్పేసాడు.

ఈ నేపథ్యంలో బిగ్ బాస్ నిర్మాతలు మళ్ళీ జూనియర్ ఎన్టీఆర్ వద్దకు వెళ్లారు. కానీ 'ఆర్ఆర్ఆర్' చిత్రంతో బిజీగా ఉండటంవల్ల ఎన్టీఆర్ వారికి డేట్లను కేటాయించలేక పోయాడు. కొంతకాలం పాటు వెంకటేష్ పేరు కూడా వినిపించింది. ఇక తాజా సమాచారం ప్రకారం టాలీవుడ్ కింగ్ నాగార్జున బిగ్ బాస్ హోస్ట్ గా మారనున్నారు అని టాక్ నడుస్తోంది. ఇప్పటికే మా టీవీ లో 'మీలో ఎవరు కోటీశ్వరుడు' షో హిట్ అవడానికి గల ముఖ్య కారణం నాగార్జున అని ప్రత్యేకంగా చెప్పాల్సిన అవసరం లేదు. అందుకే నాగార్జునను సంప్రదించగా మరి కొద్ది రోజుల్లో తన అభిప్రాయాన్ని చెప్పనున్నారు. అన్నీ అనుకున్నట్లు జరిగితే బిగ్ బాస్ 3 జూన్ నుండి సెట్స్ పైకి వెళ్లనుంది.


లైవ్ టీవి


Share it
Top