Meher Ramesh: నేను కథ చెప్పిన ప్రతిసారి మహేష్ బాబు "ఛీ" కొట్టేవాడు

Meher Ramesh: తెలుగు సినిమా పరిశ్రమలో తన "శక్తి" అంతా ఉపయోగించి "కంత్రి" లాంటి సినిమాలతో తన నిర్మాతలకు రూపాయి "బిల్లా" కూడా లాభం చేకూర్చక ప్రస్తుతం తెరవెనుక "షాడో"లా మిగిలిపోయిన దర్శకుడు మెహర్ రమేష్. "బాబీ" సినిమాలో ప్రిన్స్ మహేష్ బాబుకు స్నేహితుడిగా నటించి సినిమా పరిశ్రమలో నటుడిగా అడుగుపెట్టిన రమేష్ ఆ సినిమాతో మహేష్ బాబుతో మంచి సాన్నిహిత్యాన్ని పెంచుకున్నాడు. అయితే మహేష్ నటించిన "ఒక్కడు" సినిమాని "అజయ్" పేరుతో కన్నడ భాషలో రీమేక్ గా తెరకెక్కించి ఫర్వాలేదనిపించుకున్న తెలుగులో దర్శకత్వం వహించిన సినిమాలన్నీ డిజాస్టర్ గా మిగలడంతో ఈ దర్శకుడు గత 8 ఏళ్ళుగా సినిమాలకి దూరంగా ఉన్నాడు.

ఇటీవల మహేష్ బాబు నటించిన "సరిలేరు నీకెవ్వరు" సినిమాని గుంటూరులో డిస్ట్రిబ్యూషన్ తీసుకొని మంచి లాభాలనే పొందాడు. అయితే తాజాగా మహేష్ బాబు పుట్టినరోజు సందర్భంగా మెహర్ రమేష్ ప్రిన్స్ తో జరిగిన కొన్ని సంఘటనలను సరదాగా అభిమానులతో పంచుకున్నాడు. తాను ఒక కథని వ్రాసుకొని మహేష్ బాబుకి వినిపించిన ప్రతిసారి ఛీ కొట్టేవాడని ఇలా మా మధ్య చాలాసార్లే జరిగిందని తెలిపాడు. ఇక త్వరలో చిరంజీవి, బాలకృష్ణ వంటి హీరోలతో సినిమాలు చేయబోతున్నాడనే వార్తలు వినిపిస్తున్న ఆ సినిమాలపై ఇంకా అధికారికంగా ప్రకటన వెలువడాల్సి ఉంది.