logo

'ఓటర్' గా మళ్ళీ మన ముందుకి రానున్న మంచు విష్ణు

గత కొంతకాలంగా వరుస డిజాస్టర్ లతో సతమతమవుతున్న మంచు విష్ణు కొన్నాళ్లు సినిమాలకు దూరంగా ఉండి మళ్ళీ ఇన్నాళ్ళకు 'ఓటర్' అనే సినిమాతో ప్రేక్షకుల ముందుకు రానున్నాడు. నిజానికి 2017 లో విడుదల కావాల్సిన ఈ సినిమా ఏప్రిల్ లో విడుదల అవుతోంది. ప్రస్తుతం నిర్మాణానంతర పనులు జరుగుతున్నాయి. జి.ఎస్.కార్తీక్ దర్శకత్వం వహిస్తున్న ఈ సినిమాలో 'ఎక్స్ప్రెస్ రాజా' ఫేమ్ సురభి హీరోయిన్ గా నటిస్తోంది. 'మిర్చి' ఫేమ్ సంపత్ రాజ్, నాజర్, పోసాని కృష్ణ మురళి, ప్రగతి ముఖ్య పాత్రల్లో కనిపించనున్నారు.

తాజా సమాచారం ప్రకారం ఈ చిత్ర ప్రమోషనల్ పనులు మొదలుపెట్టారు దర్శక నిర్మాతలు. ఈ నేపథ్యంలో చిత్ర టీజర్ ను రేపు అనగా మార్చి 12వ తేదీన సాయంత్రం నాలుగు గంటల 30 నిమిషాలకు విడుదల చేయనున్నట్లు సమాచారం. సుధీర్ జాన్ పోదుట నిర్మిస్తున్న ఈ సినిమాకు తమన్ సంగీతాన్ని అందిస్తున్నారు. రాజేష్ యాదవ్ ఈ సినిమాకు సినిమాటోగ్రాఫర్ గా పని చేశారు. పొలిటికల్ థ్రిల్లర్ గా తెరకెక్కుతున్న ఈ సినిమా ఎన్నికలకు ముందు విడుదలవడం విశేషం. మరి ఈ సినిమాతో అయినా మంచు విష్ణు హిట్ అందుకున్నాడో లేదో వేచి చూడాలి.

లైవ్ టీవి

Share it
Top