Kapata Nataka Sutradhari: ఆసక్తికరంగా 'కపటనాటక సూత్రధారి' ఫస్ట్ లుక్

Kapata Nataka Sutradhari: సినిమాలో కంటెంట్ ఉంటే కమర్షియల్ ఎలిమెంట్స్‌ను కూడా ప్రేక్షకులు పట్టించుకోవడంలేదు. కొత్త నటీనటులైనా కంటెంట్ ఉంటేనే హిట్ అవుతున్నాయి సినిమాలు. ఓ డిఫరెంట్ కాన్సెప్ట్ ఎంచుకొని సస్పెన్స్ థ్రిల్లర్‌గా 'కపటనాటక సూత్రధారి' సినిమా తీర్చిదిద్దుతున్నాడు క్రాంతి సైనా అనే డైరెక్టర్.

తాజాగా ఈ సినిమాకు సంబంధించిన ఫస్ట్ లుక్ ను రివీల్ చేశారు మూవీ యూనిట్. అయితే, ఈ ఫస్ట్ లుక్ ను రచయిత కోన వెంకట్ విడుదల చేశారు. అనంతరం ఆయన మాట్లాడుతూ, ఫస్ట్ లుక్ చాలా ఆసక్తికరంగా, డిఫరెంట్ గా ఉంది. దీంతో ఈ సినిమా చాలా వైవిధ్యభరితంగా ఉంటుందని, సినిమా తర్వగా చూడాలనే ఆసక్తిని కలిగిస్తుందని అన్నారు. అలాగే మూవి యూనిట్ కు ఆల్ దిబెస్ట్ చెప్పారు ఆయన.

ఈ సినిమా షూటింగ్ చివరిదశకు చేరుకుంది. ప్రస్తుతం చిత్ర పోస్ట్ ప్రొడక్షన్ పనులు వేగంగా జరుగుతున్నాయి. విజయ్ శంకర్, సంపత్ కుమార్, చందులాల్, మాస్టర్ బాబా ఆహిల్, అమీక్ష, సునీత, భానుచందర్, రవిప్రకాశ్, అరవింద్, మేక రామకృష్ణ, విజయ్ తదితరులు ఈ సినిమాలో కీలక పాత్రలు పోషిస్తున్నారు. ఫ్రెండ్స్ అడ్డా బ్యానర్‌పై మనీష్ (హలీమ్) నిర్మిస్తున్నారు. త్వరలోనే ఈ సినిమా రిలీజ్ డేట్ ను ప్రకటిస్తామన్నారు మేకర్స్.