ఈ సినిమా ఆ తండ్రీ కొడుకులకు అంకితం: వర్మ

సంచలన దర్శకుడు రామ్‌ గోపాల్‌ వర్మ తెరకెక్కిస్తున్న తాజా చిత్రం కమ్మ రాజ్యంలో కడప రెడ్లు. ఈ చిత్రం ఇప్పటికే వివాదాస్పదంగా మారింది. కులాల మధ్య అంతరాన్ని పెంచేలా టైటిల్ ఉందంటూ కోర్టులో కొందరు పిటిషన్లు కూడా వేశారు. ఈ శుక్రవారం ప్రేక్షకుల ముందుకు వస్తున్న ఈ సినిమా విశేషాలు తెలియజేయాటనికి వర్మ మీడియా సమావేశం నిర్వహించారు.

కమ్మరాజ్యంలో కడప రెడ్లు ఒక మెసేజ్ ఓరియెంటెడ్ సినిమా అని చెప్పారు. ఈ చిత్రంలో ఏ ఒక్క సామాజికవర్గాన్ని తక్కువ చేసి చూపించలేదని అన్నారు. ఈ సినిమాను ప్రముఖ తండ్రీకొడుకులకు అంకితమిస్తానని చెప్పారు. ఇక కేఏ పాల్ మూడో ప్రపంచ యుద్ధాన్ని ఆపే పనిలో ఉన్నారన్న వర్మ.. ఆయన ఇలాంటివి పట్టించుకోరని భావిస్తున్నానని సెటైర్లు వేశాడు.