Anudeep KV New Movie: రెండో సినిమాకే పెద్ద హీరోతో ఛాన్స్ కొట్టేసిన అనుదీప్

Anudeep - Venkatesh New Movie: సెకండ్ లాక్ డౌన్ తర్వాత 2021లో అతి పెద్ద బ్లాక్ బస్టర్ గా మారిన సినిమా "జాతిరత్నాలు". నవీన్ పొలిశెట్టి, ప్రియదర్శి, మరియు రాహుల్ రామకృష్ణ హీరోలుగా నటించిన ఈ సినిమాతో ఫరియా అబ్దుల్లా అనే హీరోయిన్ తెలుగు ఇండస్ట్రీకి పరిచయం అయింది. మంచి అంచనాల మధ్య విడుదలైన ఈ సినిమా బాక్సాఫీస్ వద్ద కాసుల వర్షం కురిపించింది. ఈ సినిమా సూపర్ హిట్ అవడంతో ఈ సినిమాకి దర్శకత్వం వహించిన అనుదీప్ కె.వి కూడా అందరి దృష్టిలో పడ్డాడు. ఈ నేపథ్యంలోనే అనుదీప్ కి తన రెండవ సినిమా పెద్ద హీరో తో చేసే అవకాశం వచ్చింది.

ఆ హీరో ఎవరో కాదు సీనియర్ స్టార్ హీరో విక్టరీ వెంకటేష్. ఈ మధ్యనే అనుదీప్ సిద్ధం చేసిన ఒక కథ బాగా నచ్చి వెంకటేష్ వెంటనే ఓకే చేశారట. సురేష్ ప్రొడక్షన్ ఈ సినిమాని నిర్మించనుంది. అయితే మరో వైపు వెంకటేష్ "దృశ్యం 2", " ఎఫ్ 3" వంటి సినిమాలతో బిజీగా ఉన్నారు. ఈ సినిమాలు పూర్తయిన తర్వాతే వెంకీ- అనుదీప్ సినిమా పట్టాలెక్కింది. కామెడీ ఎంటర్ టైనర్ గా ఈ చిత్రం ప్రేక్షకుల ముందుకు రాబోతోంది. మరి మొదటి సినిమాతో మం చి హిట్ అందుకున్న అనుదీప్ రెండో సినిమాతో ఎంతవరకు ప్రేక్షకులను అలరిస్తారో చూడాల్సి ఉంది.