Nani: థియేటర్లో టికెట్ కౌంటర్ కంటే కిరాణా షాపు కౌంటర్ ఆదాయం ఎక్కువ ఉంది

Nani: న్యాచురల్ స్టార్ నాని ఏపీలో సినిమా టికెట్ల ధరలపై సంచలన వ్యాఖ్యలు చేశాడు. ఏపీలో సినిమా టికెట్ల వ్యవహారం బాగాలేదన్నారు. సినిమాలు పక్కనపెడితే ఆడియన్స్ కు అవమానం జరుగుతోంది. ప్రస్తుతం థియేటర్ లో టికెట్ కౌంటర్ కంటే పక్కనున్న కిరాణా కౌంటర్ కు ఎక్కువ కలెక్షన్లు అవుతున్నాయని నాని తెలిపాడు. టికెట్ ధరలు పెంచినా కొనే సామర్ధ్యం ప్రేక్షకులకు ఉందని నాని తెలిపాడు. తాను ఏది మాట్లాడిన వివాదం అవుతుందన్న నాని ఏపిలో సినిమా టికెట్ల ధరలపై తన అసంతృప్తిని వ్యక్తం చేశాడు. నాని ఇటీవల సినిమా థియేటర్లు ఓపెన్ చేయాలని తెలుగు రాష్ట్రాల ప్రభుత్వాలపై వివాదాస్పద వ్యాఖ్యలు చేసిన సంగతి తెలిసిందే.