HBD Ram Pothineni: రామ్.. నిన్ను బాగా మిస్ అవుతున్నా: ఛార్మి

HBD Ram Pothineni: హీరోయిన్‌గా తెలుగు తెరపై రాణించిన ఛార్మి.. ప్రస్తుతం నిర్మాతగా పూరి జగన్నాథ్ తో కలిసి సినిమాలు నిర్మిస్తోంది. పూరి కనెక్ట్స్ బ్యానర్‌లో పలు సినిమాలు కూడా తీశారు. అయితే ఇస్మార్ట్ శంకర్‌ సినిమాతో ఈ త్రయం బంపర్ హిట్‌ను అందుకుంది. అలాగే బాక్సాఫీస్ వద్ద మంచి కలెక్షన్‌లు కూడా రాబట్టి లాభాలు ఆర్జించి పెట్టింది. ఈ సినిమాతోనే హీరో రామ్ ఇమేజ్ టాలీవుడ్‌లో రెట్టింపైంది.

'రామ్.. నిన్ను బాగా మిస్ అవుతున్నా.. ఆ రోజులు ఎప్పటికీ మర్చిపోలేం..' అంటూ ఈ యంగ్ హీరో పై ఛార్మి లవ్‌‌‌లీగా కామెంట్ చేసింది. ఇంతకీ విషయం ఏమిటంటరా.. ఈ రోజు (మే 15)యంగ్ హీరో రామ్ పోతినేని పుట్టిన రోజు. ఈ నేపథ్యంలో హీరోయిన్, నిర్మాత ఛార్మి బర్త్‌డే విషెస్ ట్విట్టర్లోతెలియ జేసింది. 'ఉస్తాద్... నిన్ను బాగా మిస్ అవుతున్నాం' అంటూ హీరో రామ్, డెరెక్టర్ పూరి జగన్నాథ్ లతో కలిసి దిగిన పిక్ షేర్ చేసింది. ''మన కాంబినేషన్‌లో వచ్చిన ఇస్మార్ట్ శంకర్‌ను ఎప్పటికీ మర్చిపోలేము. సినిమా షూటింగ్ చేసినన్ని రోజులు ఎంతో సరదగా గడిపాం. లెట్స్ సెలబ్రేట్ సూపర్ సూన్'' అంటూ పుట్టినరోజు శుభాకాంక్షలు తెలిపింది ఛార్మి.

ప్రస్తుతం రామ్ తన 19వ సినిమాను లింగుస్వామి డైరెక్షన్‌లో చేస్తున్నాడు. ఈ సినిమాలో 'ఉప్పెన' బ్యూటీ కృతిశెట్టి హీరోయిన్‌గా నటిస్తుంది. ఈ సినిమాకు దేవి శ్రీ ప్రసాద్ సంగీతం అందిస్తున్నాడు. మరోవైపు ఛార్మి, పూరి జగన్నాథ్ సంయుక్తంగా 'లైగర్' చిత్రాన్ని తీస్తున్నారు. ఈ మూవీలో విజయ్ దేవరకొండ, అనన్య పాండే హీరోహీరోయిన్లుగా నటిస్తున్న సంగతి తెలిసిందే.