తెలుగు రాష్ట్రాల్లో 'గద్దలకొండ గణేశ్' దూకుడు

మెగా ప్రిన్స్ వరుణ్ తేజ్ నటించిన 'గద్దలకొండ గణేశ్' సినిమా బాక్సాఫీస్ వద్ద సూపర్ హిట్‌గా నిలిచింది. చివరి నిమిషంలో టైటిల్ విషయంలో వివాదం చోటుచేసుకున్నప్పటికీ ఈ సినిమా మంచి వసూళ్లను రాబట్టింది. తెలుగు రాష్ట్రాల్లో తొలిరోజునే ఈ సినిమా భారీ వసూళ్లను రాబట్టింది. తొలి 3 రోజుల్లో ఈ సినిమా 13.4 కోట్ల షేర్ ను వసూలు చేసింది. తొలి 3 రోజుల వసూళ్ల విషయంలో వరుణ్ తేజ్ కెరియర్లో అత్యధిక వసూళ్లను సాధించిన సినిమా ఇదేనని చెబుతున్నారు. ఇంతకుముందు వరుణ్ తేజ్ చేసిన 'ఫిదా' .. 'తొలిప్రేమ' సినిమాలకంటే ఈ సినిమా వసూళ్లు ఎక్కువ.