ఎంత మంచివాడవురా క్లోజింగ్ కలెక్షన్స్

నందమూరి కళ్యాణ్ రామ్ హీరోగా నటించిన చిత్రం ఎంత మంచివాడవురా.. సంక్రాంతి కానుకగా జనవరి 15న ప్రేక్షకుల ముందుకు వచ్చింది. కుటుంబ కథా చిత్రాల దర్శకుడు సతీష్ వేగేశ్న దర్శకత్వంలో తెరకెక్కిన ఈ సినిమాని ఆదిత్య మ్యూజిక్ బ్యానర్ పై సుభాష్ గుప్తా, ఉమేష్ ఉప్తా కలిసి నిర్మించారు.ఇందులో కళ్యాణ్ రామ్ సరసన మేహరీన్ హీరోయిన్ గా నటించింది. సినిమాకి మొదటి ఆట నుంచి మిక్సుడ్ టాక్ వచ్చింది. కానీ కొత్త కళ్యాణ్ రామ్ ని ఈ చిత్రంలో చూపించారని అభిమానులతో పాటు సినీ విశ్లేషకులు అభిప్రాయపడ్డారు.

సినిమా టీజర్ , ట్రైలర్ కి మంచి స్పందన రావడంతో సినిమాపైన మంచి అంచనాలు క్రియేట్ అయ్యాయి. దానికి తోడు సంక్రాంతి రోజు రిలీజ్ కావడంతో మొదటి రెండు రోజులు మంచి కలెక్షన్స్ బాగానే వచ్చాయి. ఇక ఈ సినిమాకి పోటిగా వచ్చిన మహేష్, బన్ని సినిమాలకి మంచి టాక్ రావడంతో ఆ తర్వాత కలెక్షన్లు బాగా డల్ అయ్యాయి..

ఇక ఈ చిత్రం క్లోజింగ్ కలెక్షన్ల వివరాలు ఈ విధంగా ఉన్నాయి :

♦ నైజాం – 1.5 కోట్లు

♦ సీడెడ్ – 83 లక్షలు

♦ గుంటూరు – 65 లక్షలు

♦ ఉత్తరాంధ్ర – 82 లక్షలు

♦ తూర్పు గోదావరి – 95 లక్షలు

♦ పశ్చిమ గోదావరి – 62 లక్షలు

♦ కృష్ణా – 58 లక్షలు

♦ నెల్లూరు – 23 లక్షలు

♦ మొత్తం షేర్ – 6.18 కోట్లు

♦ రెస్ట్ అఫ్ ఇండియా + ఓవర్సీస్ – 20 లక్షలు

♦ వరల్డ్ వైడ్ క్లోజింగ్ షేర్ – 6.38 కోట్లు

ఈ సినిమా విడుదలకి ముందు థియేట్రికల్ బిజినెస్ 12 కోట్ల వరకు జరిగిందని ట్రేడ్ వర్గాల సమాచారం. ఇక క్లోజింగ్ కలెక్షన్ల సరికి ఈ చిత్రం 6.94 కోట్ల షేర్ ను మాత్రమే రాబట్టింది. ఈ చిత్రానికి 5.1 కోట్ల నష్టం వచ్చిందని సినీ విశ్లేషకులు అభిప్రాయపడుతున్నారు.

కళ్యాణ్ రామ్ త్వరలో ఎన్టీఆర్ హీరోగా, త్రివిక్రమ్ దర్శకత్వంలో తెరకెక్కబోయే చిత్రానికి నిర్మాతగా వ్యవహరించనున్నారు. త్వరలో ఈ సినిమా పట్టాలేక్కనుంది.