బాలయ్యతో సినిమా ఆఫర్ని రిజెక్ట్ చేసిన డింపుల్ హయాతి

Dimple Hayathi: ఈ మధ్యనే "అఖండ" సినిమాతో భారీ విజయాన్ని అందుకున్న సీనియర్ హీరో నందమూరి బాలకృష్ణ తాజాగా ఇప్పుడు తన తదుపరి సినిమా తో బిజీగా ఉన్నారు. ఈ మధ్యనే "క్రాక్" సినిమాతో సూపర్ హిట్ అందుకున్న గోపీచంద్ మలినేని ఈ సినిమాకి దర్శకత్వం వహిస్తున్నారు. #ఎన్బీకే107 అని పిలవబడుతున్న ఈ సినిమా పై భారీ అంచనాలు నెలకొన్నాయి. స్టార్ బ్యూటీ శృతిహాసన్ హీరోయిన్గా నటిస్తున్న ఈ సినిమాలో హనీ రోజ్ వర్గీస్ రెండో హీరోయిన్ పాత్రలో బాలయ్యతో రొమాన్స్ చేయబోతుంది.

అయితే తాజా సమాచారం ప్రకారం తెలుగు బ్యూటీ డింపుల్ హయాతి ని ఈ సినిమాలో ఐటెం సాంగ్ కోసం అడిగారట. ఈ మధ్యనే "ఖిలాడీ" సినిమాలో కనిపించిన డింపుల్ ఆ సినిమాతో అనుకున్న స్థాయిలో విజయాన్ని సాధించలేకపోయింది. అయితే ప్రస్తుతం ఆమె చేతిలో మూడు నుంచి నాలుగు పెద్ద ప్రాజెక్టులు ఉన్నాయి. గోపీచంద్ సరసన ఒక సినిమాలో హీరోయిన్ గా కూడా కనిపించబోతోంది డింపుల్.

ఈ నేపథ్యంలో గోపీచంద్ మలినేని బాలయ్య సినిమాలో ఐటెం సాంగ్ కోసం అడగగా డింపుల్ హయాతి ఈ ఆఫర్ను తిరస్కరించినట్లు తెలుస్తోంది. ఈ నేపథ్యంలో ఆమె స్థానంలో ఇప్పుడు ఒక ఆస్ట్రేలియన్ ఇండియన్ మోడల్ చంద్రికా రవి ని ఎంపిక చేసినట్లు వార్తలు వినిపిస్తున్నాయి. అయితే దీనికి సంబంధించిన అధికారిక ప్రకటన ఇంకా వెలువడాల్సి ఉంది.