రౌడీబేబీ దెబ్బకు ఫిదా పాట ఫ‌స‌క్

ఫిదా సినిమాలో వ‌చ్చిండే.. మెల్లమెల్లగా వ‌చ్చిండే అనే పాట ఎంత పెద్ద హిట్టు అయిందో పెద్దగా చెప్పాల్సిన పని లేదు. ఈ పాటకు ఫిదా కానీ ప్రేక్షకుడు లేడంటే అతిశయోక్తి కాదేమో.. ఈ పాటని మధుప్రియ పాడగా, సుద్దాల అశోక్ తేజ రాశారు. శక్తికాంత్ కార్తీక్ సంగీతం అందించాడు. శేఖర్ మాస్టర్ కొరియోగ్రఫీని అందించారు. సాయి పల్లవి స్క్రీన్ పైన చాలా చక్కగా డాన్స్ చేసింది. ఈ పాట యూట్యూబ్ లో మంచి రికార్డ్ లను సృష్టించింది. ఈ పాటకు ఉన్న రికార్డుని బ్రేక్ చేయడం కష్టమని అందరు అనుకున్నారు. కానీ తన రికార్డును తానే బద్దలు కోడతనంటూ సాయిప‌ల్లవే వ‌చ్చి ఓన్ రికార్డ్ బ‌ద్దలు కొట్టేసింది.

ధనుష్ హీరోగా, సాయి పల్లవి హీరోయిన్ గా మారి 2 అనే సినిమా తెరకెక్కింది. ఈ సినిమాలోని రౌడీబేబీ అనే పాట ఇప్పుడు యూట్యూబ్ లో రికార్డుల మీదా రికార్డులను బద్దలు కొడుతుంది. ఏకంగా 183 మిలియ‌న్ వ్యూస్ ని అందుకుని యూట్యూబ్‌లో స‌రికొత్త సంచ‌ల‌నాల‌కు తెర‌తీసింది. ఈ పాట కేవ‌లం 11 నెలల్లోనే 725 మిలియ‌న్ వ్యూస్ అందుకుని ప్రస్తుతం సౌత్ ఇండియన్ సినిమా రికార్డులన్నీ తన పేరు రాసుకుంది. ఈ పాటను స్వయంగా ధనుష్ రాసి, ఆలపించగా, యువన్ శంకర్ రాజా సంగీతాన్ని అందించాడు. ప్రభుదేవా కొరియోగ్రఫీని అందించారు. యూట్యూబ్ రికార్డుల్లో 7వ స్థానాన్ని సొంతం చేసుకుంది ఈ సాంగ్.. మొత్తానికి ఈ రౌడీబేబీ దెబ్బకు ఇప్పుడు ఫిదా పాట ఫ‌స‌క్ అయ్యిందన్న మాట.