Prabhas - Radhe Shyam: రాధే శ్యామ్ లో ప్రభాస్ లుక్ కోసం మళ్లీ ఆ సినిమా చూశారట...

Prabhas - Radhe Shyam: యంగ్ రెబల్ స్టార్ ప్రభాస్ హీరోగా నటిస్తున్న "రాధే శ్యామ్" సినిమా ఒక ఫాంటసీ ప్రేమకథా చిత్రంగా త్వరలో ప్రేక్షకుల ముందుకు రాబోతొంది. ఈ సినిమా లో పూజ హెగ్డే హీరోయిన్ గా నటిస్తుంది. "జిల్" ఫేమ్ రాధా కృష్ణ కుమార్ దర్శకత్వం వహిస్తున్న ఈ సినిమా వచ్చే ఏడాది సంక్రాంతి సందర్భంగా 14 జనవరి న భారీ అంచనాల మధ్య విడుదల కాబోతోంది.

టి సిరీస్ మరియు యు.వి క్రియేషన్స్ సంయుక్తంగా నిర్మిస్తున్న ఈ సినిమా లో కృష్ణంరాజు, భాగ్య శ్రీ, సచిన్ ఖెడేకర్, తదితరులు ముఖ్య పాత్ర పోషిస్తున్నారు. అయితే తాజాగా ఆ చిత్ర ప్రమోషన్స్ లో మాట్లాడుతూ సినిమాకి సినిమాటోగ్రాఫర్ గా పని చేసిన మనోజ్ పరమహంస కొన్ని ఆసక్తికరమైన విషయాలను వెల్లడించారు. ఈ సినిమాలో ప్రభాస్ లుక్ గురించి మాట్లాడుతూ, "బాహుబలి" సినిమా తర్వాత మేము ప్రభాస్ సర్ ని ఒక సరికొత్త లుక్ లో ప్రజెంట్ చేయాలని అనుకున్నాము.

దానికోసమే మేము "వర్షం" సినిమా మళ్ళీ చూశాం. అక్కడి నుంచి ఒక ఐడియా వచ్చింది. నాకు బాగా ఇష్టమైన సినిమాలలో "వర్షం" కూడా ఒకటి. సినిమా విడుదలై ఇప్పటికి 10 నుంచి 15 ఏళ్లు దాటి ఉండొచ్చు కానీ ఆ సినిమా అంటే నాకు ఇప్పటికీ చాలా ఇష్టం," అంటూ చెప్పుకొచ్చారు మనోజ్ పరమహంస.