రానా నాయుడు విషయంలో భారీ ప్రమోషన్లు

Rana Naidu: గత కొంతకాలంగా దగ్గుబాటి హీరోలు వెంకటేష్ మరియు రానాలతో ఒక ప్రాజెక్ట్ చేయాలని దగ్గుబాటి సురేష్ బాబు అనుకుంటూ ఉన్నారు. కానీ సురేష్ బాబుకి మంచి కథ దొరకపోవడంతో ఎప్పటికప్పుడు ఈ దగ్గుబాటి మల్టీ స్టారర్ సినిమా వాయిదా పడుతూ వచ్చింది. తాజాగా హాలీవుడ్ లో సూపర్ హిట్ అయిన అమెరికన్ క్రైమ్ డ్రామా "రే డెనోవన్" తెలుగు రీమేక్ గా ఒక వెబ్ సిరీస్ త్వరలో నెట్ ఫ్లిక్స్ లో స్ట్రీమ్ కాబోతోంది.

ఈ వెబ్ సిరీస్ ను ఈ ఏడాది దీపావళి సందర్భంగా భారీ స్థాయిలో విడుదల చేయాలని దర్శక నిర్మాతలు ప్లాన్ చేస్తున్నారు. అయితే ఈ వెబ్ సిరీస్ విడుదల విషయంలో భారీగా ప్రమోషన్లు చేయాలని నెట్ ఫ్లిక్స్ కూడా ఆలోచిస్తుంది అని సమాచారం. ఇతర డిజిటల్ ప్లాట్ ఫామ్స్ లలో కూడా బలమైన కంటెంట్ ఉన్న వెబ్ సిరీస్ మరియు సినిమాలు ఎప్పటికప్పుడు విడుదల అవుతూ ఉన్నాయి.

ఈ నేపథ్యంలో అలాంటి వాటికి గట్టి పోటీ ఇస్తూ రానా నాయుడు వెబ్ సిరీస్ అందరికి దృష్టిని ఆకర్షించాలి అంటే ప్రమోషన్లు ఒకటే మార్గం. అందుకే నెట్ ఫ్లిక్స్ వారు కూడా ఈ వెబ్ సిరీస్ ప్రమోషన్ల విషయంలో జాగ్రత్తలు వహించాలని సినిమా స్థాయిలో ప్రమోషన్లు చేయాలని అనుకుంటున్నారట. కరణ్ అంశుమాన్ మరియు సూపర్న్ వర్మ సంయుక్తంగా దర్శకత్వం వహించిన రానా నాయుడులో ప్రముఖ నటీనటులు కూడా ముఖ్య పాత్రలలో కనిపించబోతున్నారు.