"బలగం" సినిమా గురించి షాకింగ్ కామెంట్స్ చేసిన ఇంటి యజమాని

Balagam: ఎటువంటి బజ్ లేకుండా విడుదలై బాక్సాఫీస్ వద్ద సంచలనాలు సృష్టించిన సినిమాలలో ఈ మధ్యనే విడుదలైన బలగం కూడా ఒకటి. ప్రియదర్శి హీరోగా నటించిన బలగం సినిమా కూడా ఎవరు ఊహించినటువంటి ఈ విధంగా బ్లాక్ బస్టర్ అయింది. చిన్న బడ్జెట్ తో తీసిన ఈ సినిమా బాక్సాఫీస్ వద్ద కాసుల వర్షం కురిపించింది. సినిమా షూటింగ్ మొత్తం సిరిసిల్ల పరిసర ప్రాంతాల్లోనే జరిగింది. సినిమాలో బాగా పాపులర్ అయిన లొకేషన్స్ లో హీరో ఇల్లు కూడా ఒకటి.. కోనరావుపేట మండలం కోలనూరు గ్రామంలో ఉన్న ఈ ఇంటి యజమాని తాజాగా ఇప్పుడు సినిమా గురించి కొన్ని కామెంట్లు చేస్తున్నారు. షూటింగ్ కోసం ఆయన కేవలం ఒక్క రూపాయి కూడా తీసుకోకుండానే ఇంటిని షూటింగ్ కోసం ఇచ్చేసారట.

"సినిమా డైరెక్టర్ వేణు ది మా ఊరే. దిల్ రాజు సినిమా ఛాన్స్ ఇచ్చారు. సాయం చేయమని అడిగితే నా ఇల్లు ఇచ్చాను. నెలన్నర రోజులు మా ఇంట్లో షూటింగ్ చేస్తే మేము వేరే ఇంట్లో ఉన్నాము. డబ్బులు ఇస్తామన్నారు కానీ నేనే వేణు దగ్గర ఒక్క రూపాయి కూడా తీసుకోలేదు. ఇప్పుడు సినిమా ఊహించినటువంటి పెద్ద హిట్ అయింది. సినిమాలో మా ఇల్లు ఉన్నందుకు చాలా సంతోషంగా ఉంది. సినిమా షూటింగ్ చాలా వారాలు జరిగింది కానీ ఎప్పుడు దిల్ రాజు గారు అక్కడికి రాలేదు. ఆయన కూతురు, తమ్ముడి కొడుకు మాత్రమే వచ్చేవారు. సినిమా సక్సెస్ అయ్యాక వేణు కనీసం థాంక్స్ కూడా చెప్పలేదు. నా నంబర్ ఆయన దగ్గర ఉంది కానీ ఒక్క ఫోన్ కూడా చేయలేదు. మేము ఆయనకి గుర్తు రాలేదు. అయినా ఆయన నుంచి ఇవేమీ నేను ఆశించలేదు కూడా. సినిమా కోసం ఇష్టపడి ఇల్లు ఇచ్చాను. దీని గురించి నాకు ఎలాంటి పబ్లిసిటీ అవసరం లేదు," అని చెప్పుకొచ్చారు ఇంటి యజమాని.