అనంతపురంలో వెంకీ అసురన్

గత ఏడాది ఎఫ్ 2, వెంకీమామ సినిమాలతో అదరగొట్టాడు హీరో వెంకటేష్.. ఇప్పుడు తమిళ్ లో మంచి హిట్టు అయిన 'అసురన్‌' సినిమాని తెలుగలో రీమేక్ చేస్తున్నాడు. అక్కడ ఈ సినిమాని ధనుష్ చేయగా వెట్రి మారన్‌ దర్శకత్వం వహించాడు. ఇందులో రెండు విభిన్న పాత్రల్లో నటించి మెప్పించాడు ధనుష్‌. గ్రామీణ నేపథ్యంలో సాగే ప్రతీకార కథాంశంతో ఈ సినిమా తెరకెక్కింది. ఈ సినిమాలో ధనుష్ సరసన మంజు వార్యర్ హీరోయిన్ గా నటించింది.

అక్కడ మంచి హిట్టు కావడంతో ఈ సినిమాకి సంబంధించిన రీమేక్ హక్కులను సురేష్ ప్రొడక్షన్స్ సొంతం చేసుకుంది. ఈ సినిమాకి శ్రీకాంత్ అడ్డాల దర్శకత్వం వహిస్తున్నాడు. ఇందులో వెంకటేశ్‌ సరసన ప్రియమణి హీరోయిన్ గా నటిస్తోంది. ఇప్పటికే సినిమాకి సంబంధించిన స్క్రిప్ట్ పనులు పూర్తి అయ్యాయని తెలుస్తుంది. ఈ సినిమా రెగ్యులర్ షూటింగ్ ని జనవరి 20 నుంచి మొదలు పెట్టనున్నారట.

ఈ సినిమాను ఎక్కువ భాగాన్ని అనంతపురం పరిసర ప్రాంతాల్లో చిత్రీకరించనున్నారట. ఇప్పటికే వీటికోసం ప్రత్యేకంగా సెట్స్ కూడా నిర్మిచారట! ఈ సినిమాని త్వరగా కంప్లీట్ చేసి ఈ ఏడాది సమ్మర్ లో రిలీజ్ చేసేందుకు ప్రయత్నాలు చేస్తున్నారు. ఈ సినిమాని కలైపులి యస్‌.థాను, సురేశ్‌బాబు కలిసి సంయుక్తంగా నిర్మిస్తున్నారు. మణిశర్మ సంగీతం అందిస్తున్నాడు. సినిమాపైన భారీ అంచనాలు నెలకొన్నాయి.