ఎన్టీఆర్ సినిమా నుంచి తప్పుకున్న ఆలియాభట్.. కొత్త హీరోయిన్ ఎవ‌రో తెలుసా?

Alia Bhatt: యంగ్ టైగర్ ఎన్టీఆర్ ఈ మధ్యనే "ఆర్.ఆర్.ఆర్" సినిమాతో బ్లాక్ బస్టర్ అందుకున్న సంగతి తెలిసిందే. రామ్ చరణ్ మరియు ఎన్టీఆర్ లు హీరోలుగా నటించిన ఈ మల్టీ స్టారర్ సినిమా రాజమౌళి దర్శకత్వంలో విడుదలై బాక్సాఫీస్ వద్ద రికార్డుల వర్షం కురిపించింది. ఈ సినిమాలో రామ్ చరణ్ సరసన బాలీవుడ్ బ్యూటీ అలియాభట్ హీరోయిన్ గా నటించింది. ఈ సినిమా ఇంకా సెట్స్ పై ఉన్నప్పుడే ఎన్టీఆర్ కొరటాల డైరెక్షన్లో చేయబోతున్న సినిమా కోసం ఆలియా ను హీరోయిన్ గా అనుకున్నారు.

#ఎన్టీఆర్30 సినిమాలో తాను హీరోయిన్ గా చేయబోతున్నట్లు ఒక ఇంటర్వ్యూలో మాట్లాడుతూ ఆలియాభట్ కూడా హింట్ ఇచ్చింది.కానీ తాజా సమాచారం ప్రకారం కొన్ని కారణాల వల్ల ఆలియా ఈ సినిమా నుంచి తప్పుకున్నట్లు తెలుస్తోంది. "ఆర్.ఆర్.ఆర్" సినిమాలో తన పాత్ర కి పెద్దగా ప్రాధాన్యత ఇవ్వలేదని తెలుగు సినిమాల్లో హీరోయిన్ పాత్రలకి ప్రాముఖ్యత లేదని అనుకున్న ఆలియాభట్ ఈ సినిమా నుంచి తప్పుకున్నట్టుగా కొందరు కామెంట్లు చేస్తున్నారు.

ఇక మరోవైపు #ఎన్టీఆర్30 చిత్రబృందం ఈ సినిమా హీరోయిన్ కోసం స్టార్ బ్యూటీ రష్మిక మందన ని ఎంపిక చేసినట్లు తెలుస్తోంది. "పుష్ప" సినిమాతో ప్యాన్ ఇండియన్ బ్యూటీ గా మారిపోయిన ఈ భామ ఈ సినిమాతో మొట్టమొదటిసారిగా ఎన్టీఆర్ సరసన హీరోయిన్ గా కనిపించనుంది.