Allu Arjun -Trivikram: మరోసారి రిపీట్‌ కానున్న క్రేజీ కాంబో.. అధికారిక ప్రకటన..!

Allu Arjun -Trivikram: స్టైలిష్ స్టార్ అల్లు అర్జున్ మరియు మాటల మాంత్రికుడు త్రివిక్రమ్ శ్రీనివాస్ కాంబినేషన్లో ఇప్పటికే మూడు సినిమాలు ప్రేక్షకుల ముందుకి వచ్చాయి. ఆ మూడు సినిమాలు బాక్స్ ఆఫీస్ వద్ద బ్లాక్ బస్టర్లు గా నిలిచాయి. తాజాగా ఇప్పుడు ఈ కాంబోలో నాలుగవ సినిమా కూడా పట్టాలెక్కబోతోంది. తాజాగా ప్రముఖ నిర్మాత నాగవంశీ ఈ విషయాన్ని ఖరారు చేస్తూ ట్వీట్‌ చేశారు. ఈసారి రెట్టింపు వినోదంతో రానున్నారని తెలుపుతూ ఓ ప్రత్యేక వీడియోను విడుదల చేశారు.

నేడు (జులై 3)న ఉదయం 10 గంటల 8 ని.లకు వీడియో ద్వారా వారు మూవీకి సంబంధించి అప్‌డేట్‌ ఇచ్చారు. ఇప్పటికే పుష్ప సినిమాతో ఐకాన్‌ స్టార్‌గా గుర్తింపు తెచ్చుకున్న బన్నీకి ఈ సినిమా భారతీయ చలన చిత్ర పరిశ్రమలో అతిపెద్ద ప్రాజెక్టులలో ఒకటిగా ఉంటుందని సమాచారం. నటీనటులు, సాంకేతిక నిపుణుల వివరాలను చిత్రబృందం త్వరలో ప్రకటించనుంది.