Leaf Bath: పూర్వీకుల వైద్యం.. అరిటాకు స్నానంతో అద్భుతమైన ప్రయోజనాలు

ఆధునిక జీవనశైలి, రసాయన ఉత్పత్తుల అధిక వినియోగం కారణంగా అనేక ఆరోగ్య సమస్యలు పెరుగుతున్నాయి. ఈ పరిస్థితుల్లో పూర్వీకులు పాటించిన సహజ వైద్య పద్ధతులు మళ్లీ ప్రాధాన్యత సాధిస్తున్నాయి. అలాంటి అద్భుతమైన పద్ధతుల్లో ఒకటి అరిటాకు స్నానం. రసాయనాల ప్రభావం లేకుండా, ప్రకృతిసిద్ధంగా ఆరోగ్యాన్ని కాపాడే ఈ చికిత్స శారీరక, మానసిక ఆరోగ్యానికి ఎన్నో లాభాలను అందిస్తుంది.

అరిటాకు స్నానం ఎలా పనిచేస్తుంది?

పెద్ద అరిటాకులను శరీరానికి కప్పుకొని సూర్యరశ్మిలో కొంతసేపు ఉండే ఈ పద్ధతి ద్వారా, ఆకులలో ఉండే క్లోరోఫిల్ సూర్యరశ్మి సహాయంతో శరీరంలోకి ప్రవేశించి రక్తాన్ని శుద్ధి చేస్తుంది. ఇది శరీరానికి శక్తిని అందించడమే కాకుండా మనసుకు ప్రశాంతతను కూడా కలిగిస్తుంది.

అరిటాకు స్నానం వల్ల కలిగే ప్రయోజనాలు

విషపదార్థాల తొలగింపు – చర్మ రంధ్రాలను తెరిచి చెమట ద్వారా శరీరంలోని మలినాలను బయటకు పంపుతుంది. ఇది సహజ డీటాక్సిఫికేషన్‌ పద్ధతి.

చర్మ సౌందర్యం – అరటి ఆకుల యాంటీఆక్సిడెంట్లు చర్మాన్ని ఆరోగ్యంగా ఉంచి, మొటిమలు, మచ్చలు తగ్గించడంలో సహాయపడతాయి. చర్మం మృదువుగా, కాంతివంతంగా మారుతుంది.

మానసిక ప్రశాంతత – ప్రకృతికి దగ్గరగా ఉండటం వల్ల కలిగే ప్రశాంతత ఒత్తిడిని తగ్గించి, ఆందోళన, నిద్రలేమి సమస్యలకు ఉపశమనం ఇస్తుంది.

శరీర ఉష్ణోగ్రత నియంత్రణ – అరటి ఆకులు సహజ చల్లదనాన్ని ఇస్తాయి. ముఖ్యంగా ఎండాకాలంలో శరీర ఉష్ణోగ్రతను తగ్గిస్తాయి.

చర్మ సమస్యలకు ఉపశమనం – అరిటాకుల యాంటీ ఇన్‌ఫ్లమేటరీ గుణాలు దురద, దద్దుర్లు, చిన్న అలర్జీలను తగ్గించడంలో సహాయపడతాయి.

అరిటాకు స్నానం ఎలా చేయాలి?

ప్రశాంతమైన, సూర్యరశ్మి నేరుగా పడే ప్రదేశాన్ని ఎంచుకోండి.

పెద్ద అరిటాకులను పరచి వాటిపై పడుకుని, శరీరాన్ని పూర్తిగా ఆకులతో కప్పండి.

పైకి కొన్ని ఆకులను వదులుగా తాడుతో కట్టండి.

కొంతసేపు అలాగే ఉండి, తరువాత ఆకులను తీసేయండి. శరీరం నుండి వచ్చే దుర్వాసన మలినాలు బయటకు పోయిన సూచన.

చివరగా చల్లటి నీటితో స్నానం చేయండి.

ఈ సంప్రదాయ పద్ధతిని క్రమం తప్పకుండా ఆచరిస్తే శారీరక, మానసిక ఆరోగ్యానికి ఎన్నో ప్రయోజనాలు లభిస్తాయి.