ఏడాదిలో నెల మాత్రమే కనిపించే విలేజ్

నెల రోజులే కనిపించే గ్రామం ఏంటా అని అనుకుంటున్నారా.. కొన్ని విషయాలు చదవాటానికి వింతగా ఉన్నా.. నిజంగా అవి కొన్ని సార్లు ఆశ్చర్యానికి కల్గిస్తాయి. ఈ గ్రామం కూడా అలాగే సంవత్సరంలో 11 నెలలు నీట మునిగి ఉండి ఒక నెలమాత్రమే తేలుతుంది. గోవాలోని కుర్ది అనే గ్రామం పర్యాటకులను విశేషంగా ఆకర్షిస్తుంటుంది. ఏడాదిలో ఒక్క నెల మాత్రమే సందర్మించేందుకు అవకాశం ఉంటుంది కాబట్టి.. ఆ ప్రదేశాన్ని చూడటానకి పర్యాటకులు ఎదురు చూస్తుంటారు.

కుర్ది గ్రామం సలౌలిం నది పరీవాహక ప్రాంతంలో ఉంది. గోవాలోని పశ్చిమ కనుమల్లో కొండల మధ్యలో సలౌలిం నది ప్రవహిస్తూ ఉంటుంది. కుర్ది ప్రాంతం ఒకప్పుడు మామూలుగానే ఉండేది. కాకపోతే 1986లో ఆ నదిపై ఆనకట్ట నిర్మించారు. దీంతో ఆ విలేజ్ మొత్తం నీట మునిగింది. ఇక్కడ మరో విచిత్రమేంటంటే ఏడాదిలో 11 నెలలు పాటు ఆ గ్రామం నీటిలోనే మునిగి ఉండటం. అయితే వేసవిలో మాత్రం తేలుతుంది. అక్కడ జలాశయంలో ఉండే నీరు పూర్తిగా ఇంకిపోవడం వల్ల ఆ సమయంలో గ్రామం ఆనవాళ్లు శిథిలాలు బయటకు కనబడుతాయి. అది కూడా నెల రోజులు మాత్రమే. నీరు పూర్తిగా ఇంకిపోయినప్పుడు మాత్రమే ఆ గ్రామం కనబడుతుంది.

ఇక వర్షాలు ప్రారంభమయ్యాయంటే మునిగే కుర్ది గ్రామం ఒక దశలో ఓ దీవిలా దర్శనమిస్తుంది. ఆ సమయంలో ఆ దృశ్యాన్ని చూడడానికి రెండు కళ్లూ సరిపోవు. ఆ అందమైన దృశ్యాన్ని చూడడం కోసం పర్యాటకులు ప్రతి ఏటా అక్కడికి వెళ్లి ఎదురుచూడటం విశేషం.