Banana Benefits : అరటి పండులో సూపర్‌ఫుడ్ సీక్రెట్ ఫుడ్ సీక్రెట్.. రోజు 2 తిన్నారంటే ఎన్ని ప్రయోజనాలో

Banana Benefits : అరటి పండు సాధారణంగా మార్కెట్లో అన్ని సమయాల్లోనూ సులభంగా లభించే ఒక సూపర్‌ఫుడ్. చాలా మందికి ఈ పండును తినడం అంతగా ఇష్టం ఉండకపోవచ్చు, కానీ ఆరోగ్య నిపుణులు మాత్రం దీనిని తీసుకోవడం ఆరోగ్యానికి చాలా మంచిదని చెబుతున్నారు. రోజుకు కనీసం ఒకటి కాదు, రెండు అరటి పండ్లను తినడం వల్ల శరీరానికి అవసరమైన శక్తి లభించడంతో పాటు, గుండె ఆరోగ్యానికి కూడా అనేక అద్భుతమైన ప్రయోజనాలను పొందవచ్చు. ఇది అన్ని కాలాలలోనూ దొరుకుతుంది కాబట్టి, ఎటువంటి ఇబ్బంది లేకుండా తినవచ్చు. అరటి పండు వల్ల కలిగే మరిన్ని ప్రయోజనాలను ఇప్పుడు తెలుసుకుందాం.

తక్షణ శక్తి, మానసిక ప్రశాంతత

అరటి పండ్లు తక్షణ శక్తిని అందించడంలో ముందుంటాయి. వాటిలో ఉండే సహజ చక్కెర, ఫైబర్, రోజంతా శరీరానికి అవసరమైన శక్తిని అందించి, త్వరగా వచ్చే అలసటను తగ్గిస్తాయి. అంతేకాకుండా అరటి పండు శరీరానికే కాకుండా మనసుకు కూడా మేలు చేస్తుంది. అరటిపండులో ఉండే ట్రిప్టోఫాన్ అనే పదార్థం మంచి అనుభూతిని కలిగించే హార్మోన్ ఉత్పత్తికి తోడ్పడుతుంది. ఇది మీ మానసిక స్థితిని మెరుగుపరచడానికి, ఒత్తిడిని తగ్గించడానికి సహాయపడుతుంది. అలాగే, రక్తంలో ఐరన్ లోపం (రక్తహీనత) ఉన్నవారికి అరటి పండు చాలా మంచిది. ఇందులో ఐరన్ పుష్కలంగా ఉండటం వల్ల, హిమోగ్లోబిన్ స్థాయిని పెంచడానికి ఇది సహాయపడుతుంది.

రోగనిరోధక శక్తి, చర్మ సౌందర్యం

అరటి పండు తీసుకోవడం వల్ల అందులో ఉండే విటమిన్ B6, విటమిన్ C వంటి పోషకాలు రోగనిరోధక శక్తిని పెంచుతాయి. ఇది జలుబు, ఫ్లూ వంటి కాలానుగుణ వ్యాధుల నుంచి రక్షణను అందిస్తుంది. అదేవిధం అరటి పండులోని విటమిన్ సి, యాంటీఆక్సిడెంట్లు చర్మాన్ని మెరిసేలా చేస్తాయి. ముడతలను తగ్గిస్తాయి. అంతేకాదు, ఆరోగ్యకరమైన జుట్టు పెరుగుదలకు కూడా ఇది చాలా సహాయకారిగా ఉంటుంది. అరటి పండ్లు గర్భిణీ స్త్రీలకు కూడా చాలా మంచివి. ప్రతిరోజు కేవలం రెండు అరటి పండ్లను తినడం ద్వారా ఆరోగ్యాన్ని సరిగ్గా కాపాడుకోవచ్చు.