Top
logo

శరీరం దుర్వాసనకు కారణాలు ఇవే..

శరీరం దుర్వాసనకు కారణాలు ఇవే..
Highlights

కొందరు పక్కన కూర్చుంటే చాలు ఏదో తెలియని దుర్వాసన వస్తుంది. ఒక్కో శరీరానికి ఒక్కో విధమైన దుర్వాసన ఉంటుందని...

కొందరు పక్కన కూర్చుంటే చాలు ఏదో తెలియని దుర్వాసన వస్తుంది. ఒక్కో శరీరానికి ఒక్కో విధమైన దుర్వాసన ఉంటుందని విన్నాం.. ఇక ఈ దుర్వాసన ఎందుకు వస్తుంది.. దానికి తగిన కారణాలేంటో ఇప్పుడు చూద్దాం..

ముఖ్యంగా శరీరం నుండి దుర్వాసన రావడానికి గల కారణాల్లో వారి ఆహారపు అలవాట్లేనని వైద్య నిపుణులు చెబుతుంటారు.

*కొందరు వ్యక్తులు అధికమొత్తంలో మసాలాలతో కూడిన ఆహార పదార్ధాలు తీసుకోవడం వలన శరీరంలో సల్ఫర్ ఉత్పన్నమవుతుంది. అది చర్మ రంద్రాల ద్వారా బయటకు పంపబడుతుంది.ఈ క్రమంలో శరీరం దుర్వాసన రావడానికి అవకాశముంది.

*అలాగే ఎరుపు రంగు వుండే ఆహార పదార్ధం తిన్నప్పుడు అది జీర్ణమవడానికి ఎక్కువ శక్తీ కావలసి వస్తుంది. ఈ సమయంలో శరీరం నుంచి చెమట అధిక మొత్తంలో విసర్జింపబడుతుంది. దాంతో శరీరం నుండి దుర్వాసన వస్తుంది.

*అలాగే కొందరు అధిక మొత్తంలో ఆల్కహాల్ సేవిస్తుంటారు.. దీనివలన కూడా చెమట ఎక్కువగా వస్తుంది. అది దుర్వాసనకు దారితీస్తుంది.

*జంక్ ఫుడ్ ఆరగించడం వలన శరీరంలో కొవ్వు శాతం పెరిగిపోతుంది. దీనిద్వారా కూడా అధిక మొత్తంలో చెమట వస్తుంది. అయితే ఇది లావు ఎక్కువగా ఉన్న వారిలో ఉంటుంది.

*అలాగే తక్కువ కార్బోహైడ్రేట్స్ ఉండే ఆహార పదార్ధాలు తీసుకోవడం వలన రక్తంలో కీటోన్స్ ఉత్పత్తి అవుతాయి.ఇవి కూడా శరీర దుర్వాసనకు కారణమవుతాయి.

*పాల ఉత్పత్తులు ఎక్కువమొత్తంలో తీసుకోవడం వలన శరీరంలో విడుదలయ్యే.. hidrozen salfied , mithyle morcapton వలన చెమట కూడా ఎక్కువ మొత్తంలో వచ్చి దుర్వాసనకు కారణమవుతాయి.

*అలాగే సిగరెట్ తాగే వారిలో కూడా దుర్వాసన ఎక్కువగా వస్తుంది. సిగరెట్ పొగ స్వేద గంధ్రులతో కలిసి భరించలేని వాసన వచ్చేటట్టుగా చేస్తుంది. కాగా ఈ కారణాలతో శరీరంలో దుర్వాసన వస్తుంది.


Next Story

లైవ్ టీవి


Share it