ఎమ్మెల్యే సీతక్క కారు బీభత్సం.. మూడేళ్ల చిన్నారి మృతి

ములుగు జిల్లాలో కాంగ్రెస్ ఎమ్మెల్యే సీతక్క కారు ఓ బైక్‌ను ఢీకొంది. ఈ ప్రమాదంలో చిన్నారి మృతి చెందగా చిన్నారి తల్లిదండ్రులు తీవ్రంగా గాయాలయ్యాయి. ములుగు జిల్లా ఏటూరు నాగారం శివారులోని జీడివాగు సమీపంలో శనివారం (మే 18) ఉదయం ఈ ప్రమాదం చోటుచేసుకుంది. దంపతులు తమ చిన్నారిని తీసుకొని బైక్‌పై వెళ్తుండగా జీడివాగు సమీపంలో ఎదురుగా దూసుకొచ్చిన ఎమ్మెల్యే కారు ఢీకొనడంతో ప్రమాదం జరిగింది. ఈ ప్రమాదంలో చిన్నారి అక్కడికక్కడే చనిపోయింది. గాయపడిన దంపతులను ఏటూరు నాగారం ప్రభుత్వ ఆసుపత్రికి తరలించారు. ప్రస్తుతం అతడి పరిస్థితి విషమంగా ఉంది. ఘటనకు సంబంధించిన పూర్తి వివరాలు తెలియాల్సి ఉంది.