Top
logo

కరోనా వైరస్ కి మందు కనిపెట్టామని అంటున్న యుకే శాస్త్రవేత్తలు..

కరోనా వైరస్ కి మందు కనిపెట్టామని అంటున్న యుకే శాస్త్రవేత్తలు..
X
Highlights

కరోనావైరస్ మహమ్మారి కట్టడికి ఒక మార్గం దొరికింది. మహమ్మారి కారణంగా తీవ్ర అనారోగ్యంతో బాధపడుతున్న రోగుల...

కరోనావైరస్ మహమ్మారి కట్టడికి ఒక మార్గం దొరికింది. మహమ్మారి కారణంగా తీవ్ర అనారోగ్యంతో బాధపడుతున్న రోగుల ప్రాణాలను కాపాడటానికి దివ్యౌషధంగా డెక్సమెథసోన్ సహాయపడుతుంది. ఈ స్టెరాయిడ్ ద్వారా మృత్యువుతో పోరాడుతున్న వారు కూడా కోలుకుంటున్నట్లు యూకే పరిశోధకులు బిబిసికి చెప్పారు. డెక్సమెథసోన్ వాడటం ద్వారా ఇప్పటివరకూ ఒక్క యూకేలోనే దాదాపు 5 వేల మందిని ప్రాణాపాయం నుంచి రక్షించినట్టు తెలిపారు. తక్కువ-మోతాదు స్టెరాయిడ్ చికిత్స డెక్సమెథసోన్ ఘోరమైన వైరస్ కు వ్యతిరేకంగా పోరాటంలో ప్రధాన పురోగతి అని.. ఈ జనరిక్ స్టెరయిడ్ డ్రగ్ అద్భుతంగా పని చేస్తోందని.. పైగా ఇది అతి తక్కువ ధరకే లభిస్తుందని యుకె నిపుణులు స్పష్టం చేశారు.

యూకేలోని వివిధ ఆసుపత్రుల్లో వెంటిలేటర్‌పై చికిత్స పొందుతున్న 11,500 మందికిపైగా బాధితులపై డెక్సామెథాసోన్‌ను ప్రయోగించారు. ఈ క్రమంలో వెంటిలేటర్లపై ఉన్న రోగులకు మరణ ప్రమాదాన్ని మూడవ వంతు తగ్గించింది. అలాగే ఆక్సిజన్ తో చికిత్స లో ఉన్నవారికి మరణాలను ఐదవ వంతు తగ్గించిందని నిర్ధారించారు. 'COVID-19 ఉన్న రోగులకు లేదా వెంటిలేటర్లలో ఉన్న లేదా ఆక్సిజన్ తో చికిత్స పొందుతున్న రోగులకు డెక్సమెథసోన్‌ ఇస్తే, అది ప్రాణాలను కాపాడుతుంది, ఇది చాలా తక్కువ ఖర్చుతో పనిచేస్తుంది' అని ఆక్స్ఫర్డ్ మార్టిన్ లాండ్రే చెప్పారు. ఆయన దీనిపై ప్రయోగానికి సహ-నాయకత్వం వహిస్తున్న విశ్వవిద్యాలయ ప్రొఫెసర్. ఏది ఏమైనా యూకే శాస్త్రవేత్తలు చెప్పినట్టు ఇది ప్రపంచం మొత్తం పనిచేసినట్టయితే అందరికి ఊరట కలిగిస్తుంది.


Web TitleUK Scientists Find Dexamethasone Break through COVID-19 Life-Saving Drug
Next Story