Plane Crashes in America: అమెరికాలో జరిగిన అతి పెద్ద విమాన ప్రమాదాలు ఇవే..!

Plane Crashes in America: అమెరికాలో గతంలో కూడా ఇలాంటి తరహా ప్రమాదాలు జరిగాయి. ప్రమాదాల నివారణకు అగ్రరాజ్యం అనేక చర్యలు తీసుకుంటోంది. అయినా ప్రమాదాలు ఆగడం లేదు. తాజాగా అమెరికాలో వాషింగ్టన్ లో రోనాల్డ్ రీగన్ ఎయిర్ పోర్టులో ల్యాండింగ్ కు ముందు ప్రయాణీకులతో వెళ్తున్న విమానం అమెరికా ఆర్మీ హెలికాప్టర్ ను ఢీకొట్టింది. ఈ ప్రమాదంలో ఇప్పటికే 18 మృతదేహలను వెలికితీశారు.

యుఎస్ నేషనల్ ట్రాన్స్‌పోర్టేషన్ బోర్డ్ అండ్ ఫ్లైట్ సేఫ్టీ ఫౌండేషన్ ఏవియేషన్ సేఫ్టీ నెట్‌వర్క్ డేటా ప్రకారం అమెరికాలో జరిగిన అతి పెద్ద విమాన ప్రమాదాల వివరాలను ఒక్కసారి తెలుసుకుందాం.

2001 నవంబర్‌లో, న్యూయార్క్‌లోని జాన్ ఎఫ్. కెన్నెడీ అంతర్జాతీయ విమానాశ్రయం నుండి బయలుదేరిన తర్వాత అమెరికన్ ఎయిర్‌లైన్స్ జెట్ కూలిపోయింది. విమానంలో ఉన్న మొత్తం 260 మందితో పాటు భూమిపై ఉన్న ఐదుగురు మరణించారు.

2001సెప్టెంబర్ 11 హైజాక్ చేసిన అమెరికన్ ఎయిర్‌లైన్స్ జెట్ విమానం బోస్టన్ నుండి బయలుదేరి న్యూయార్క్‌లోని వరల్డ్ ట్రేడ్ సెంటర్ భవనంపైకి దూసుకెళ్లింది. విమానంలో ఉన్న మొత్తం 92 మంది మరణించారు. మరో 1,600 మంది చనిపోయారు.

2003లో నార్త్ కరోలినాలోని షార్లెట్ నుండి టేకాఫ్ అయిన తర్వాత యుఎస్ ఎయిర్‌వేస్ ఎక్స్‌ప్రెస్ టర్బోప్రాప్ కూలింది. విమానంలో ఉన్న మొత్తం 21 మంది మరణించారు.

2004లో మిస్సౌరీలోని కిర్క్స్‌విల్లేలో ల్యాండింగ్‌కు చేరుకునే సమయంలో కార్పొరేట్ ఎయిర్‌లైన్స్ ఫ్లైట్ కూలిపోయింది, విమానంలో ఉన్న 15 మందిలో 13 మంది మరణించారు.

2005లో ఫ్లోరిడాలోని మయామి నుండి టేకాఫ్ అయిన తర్వాత చాక్స్ ఓషన్ ఎయిర్‌వేస్ విమానం కూలిపోయింది. ఈ ప్రమాదంలో విమానంలో ఉన్న 20 మంది మరణించారు.

2006లో కెంటుకీలోని లెక్సింగ్టన్ నుండి టేకాఫ్ అవుతున్న కోమైర్ ప్రాంతీయ జెట్ విమానం రన్‌వేను ఢీకొట్టి క్రాష్ అయ్యింది. ఈ ప్రమాదం జరిగిన సమయంలో విమానంలో ఉన్న 50 మందిలో 49 మంది మరణించారు.

2009 లో న్యూయార్క్‌లోని బఫెలోలో ల్యాండింగ్‌కు చేరుకునే సమయంలో కోల్గాన్ ఎయిర్ టర్బోప్రాప్ విమానం కూలిపోయింది. విమానంలో ఉన్న 49 మందితో భూమిపై ఉన్న మరొకరు మరణించారు.