అమెరికాలో ఆవు పిడకలకు భలే డిమాండ్

భారత దేశంలో ఆవును గోమాతగా పూజిస్తారు. అంతేకాదు ఆవు పేడతో పిడకలు చేసి, భద్రపరుస్తుంటారు. ఆవు మూత్రాన్ని కూడా పవిత్రంగా భావించి ఇంటిని శుద్ధి చేసుకోవడానికి వాడతారు. భారతీయులు తరుచూ పూజల్లో వాడే ఈ పిడకలు ఇప్పుడు అమెరికాలో హాట్ కేకుల్లా అమ్ముడు పోతున్నాయంట. అమెరికాలోని న్యూ జెర్సీలో ఈ ఆవు పిడకలను ఓ సూపర్ మార్కెట్లో పెట్టి అమ్ముతున్నారు. వింటుంటే ఆశ్చర్యంగా ఉంది కదూ.

అమెరికాలో ఈ ఆవు పిడకల బిజినెస్ జోరుగా సాగుతుంది. ఒక్క ప్యాకెట్ కి కేవలం రూ.215 మాత్రమేనట. ఆ ప్యాకెట్లో కూడా 20 పిడకలో 30 పిడకలో ఉంటాయనుకునేరు. అందులో కేవలం 10 పిడకలు మాత్రమే ఉంటాయంట. అంతే కాక ఈ పిడకల ప్యాకెట్ పైన ఏంరాసుందంటే అవి తినే కేకులు కాదు కేవలం పూజకు వాడేవి మాత్రమే అని క్యాప్షన్ కూడా ఉందంట. దీంతో కొంతమంది వినియోగదారులు ఆ ప్యాకెట్ల ఫోటోలు తీసి సోషల్ మీడియాలో పోస్ట్ చేశారు. ఆ ఫోటోలు కాస్త ఇప్పుడు నెటిజన్ల ఫోన్ లలో వైరల్ గా మారుతున్నాయి. ఈ ఫోటోలను చూసిన కొంత మంది మాత్రం అమెరికాలో ఆవు పిడకల బిజినెస్ చేసుకుని బతుకొచ్చు అంటూ కామెంట్లు కొడుతున్నారు. ఇదే కోణంలో ఈ మధ్య కాలంలో అమెజాన్ వాళ్లు రెండు కొబ్బరి చిప్పలను 1400కి అమ్మి కొనుగోలు దారులకు షాక్ ఇచ్చిన విషయం కూడా తెలిసిందే.