Top
logo

ప్రపంచ ఎయిడ్స్ దినోత్సవం 2019 ప్రత్యేక కథనం

ప్రపంచ ఎయిడ్స్ దినోత్సవం 2019 ప్రత్యేక కథనం
X
World AIDS Day 2019 Logo
Highlights

ప్రపంచాన్ని వణికించే వ్యాధుల్లో ఎయిడ్స్ డే అగ్ర స్థానం. నివారణ తప్ప నిర్మూలన లేని వ్యాధి ఇది. ఈ వ్యాధి పట్ల అవగాహన కోసం ఈరోజు (డిసెంబర్ 01) ప్రపంచ ఎయిడ్స్ దినోత్సవంగా జరుపుకుంటున్నారు.

ప్రపంచ ఎయిడ్స్ దినోత్సవం 2019 : ప్రతి సంవత్సరం డిసెంబర్ 1 వ తేదీని ప్రపంచ ఎయిడ్స్ దినం గా నిర్వహిస్తారు. ఎయిడ్స్ వ్యాధి పట్ల అవగాహన పెంచడం, ఎయిడ్స్ వ్యాధితో మరణించినవారిని స్మరించుకోవడం, ఎయిడ్స్ వ్యాధి కారక హెచ్ ఐ వీ కి వ్యతిరేకంగా పోరాడడం కోసం ఈరోజును కేటాయించారు.

ప్రపంచ ఆరోగ్య సంస్థ మొదటి సారిగా 1988 లో ఎయిడ్స్ దినోత్సవం నిర్వహించాలని నిర్ణయించింది. మానవ ఆరోగ్య సంబంధిత అంశాల కోసం ప్రత్యేకంగా ఒక రోజును కేటాయించడం ఈ ఎయిడ్స్ దినోత్సవం తోనే మొదలైంది.

ఎయిడ్స్ గురించి కొంత..

ప్రపంచ వ్యాప్తంగా 37.9 మిలియన్ల మంది హెచ్ ఐ వీ సోకినా వారున్నారు. వీరిలో 79 శాతం మంది మాత్రమే పరీక్షలు చేయించుకున్నారు. ఇక 62 శాతం మంది వైద్య సహాయాన్ని పొందగలిగారు. దాదాపు 53 శాతం మంది హెచ్ ఐ వీ నుంచి విముక్తులయ్యారు. ఈ వివరాలు ప్రపంచ ఆరోగ్య సంస్థ ప్రకటించింది. హెచ్ ఐ వీ ని అణచి వేయడంలో ఆరోగ్య కార్యకర్తలు, హెచ్ ఐ వీ నెట్ వర్క్ సభ్యుల కృషి చాలా వుంది. వీరందరి ప్రయత్నాలను ప్రపంచ దృష్టికి తీసుకురావడం కూడా ఈ ఎయిడ్స్ దినోత్సవ ముఖ్య లక్ష్యం. ఈ సందర్భంగా ఎయిడ్స్ వ్యాధి గురించిన ముఖ్య విశేషాలు తెలుసుకుందాం.

ఎయిడ్స్ అంటే..

హ్యూమన్ ఇమ్యునో డెఫిషియెన్సీ వైరస్ (హెచ్ఐవి) ద్వారా ఎయిడ్స్ వస్తుంది. ఈ వైరస్ సోకిన వ్యక్తుల్లో రోగ నిరోధక శక్తి క్షీణిస్తుంది. రోగ నిరోధక శక్తి క్షీణించడం అంటే.. మనకి అనారోగ్యాన్ని కలిగించే అంటూ వ్యాధులతో పోరాడే శక్తిని మన శరీరం కోల్పోతుంది. ముఖ్యంగా సిడి 4 అనే రోగనిరోధక కణాలను ఈ వైరస్ చంపేస్తుంది. దీనివలన వివిధ వ్యాధులు సోకి మరణం సంభవించే అవకాశం ఉంటుంది.

హెచ్ఐవి ఎయిడ్స్ గా ఎలా మారుతుందంటే..

తల్లి పాలు, యోని, మల ద్రవాలు, రక్తం మరియు వీర్యం ద్వారా హెచ్‌ఐవి వ్యాపిస్తుంది. ఇది జీవితకాల పరిస్థితి, దీనిని నయం చేయలేము. అయినప్పటికీ, సరైన చికిత్స మరియు నిర్వహణతో, ఒక వ్యక్తి చాలా సంవత్సరాలు HIV తో జీవించగలడు.

అక్వైర్డ్ ఇమ్యునో డెఫిషియెన్సీ సిండ్రోమ్ (ఎయిడ్స్) అనేది హెచ్ఐవి ఉన్నవారిలో అభివృద్ధి చెందే వ్యాధి. ఎయిడ్స్ హెచ్‌ఐవి ఎక్కువ స్థాయిలో చేరిన పరిస్థితి గా ఎయిడ్స్ ను చెబుతారు. ఒక వ్యక్తికి హెచ్ఐవి ఉందంటే, అతను /ఆమె కూడా ఎయిడ్స్‌ను అభివృద్ధి చేస్తారని చెప్పలేము. ఈ హెచ్ఐవి సిడి 4 కణాలను చంపుతుంది. ఆరోగ్యకరమైన పెద్దలలో, సిడి 4 కణాలు క్యూబిక్ మిల్లీమీటర్‌కు 500 నుండి 1500 వరకు ఉంటాయి. హెచ్‌ఐవి ఉన్న వ్యక్తికి సిడి 4 కౌంట్ క్యూబిక్ మిల్లీమీటర్‌కు 200 కన్నా తక్కువ పడితే ఎయిడ్స్‌ నిర్ధారణ అవుతుంది.

ఎవరైనా హెచ్‌ఐవి పాజిటివ్‌గా ఉంటే హెచ్‌ఐవి ఉన్నవారిలో చాలా అరుదుగా వచ్చే ఇన్‌ఫెక్షన్ లేదా క్యాన్సర్‌ను అభివృద్ధి చేస్తే కూడా వారికి ఎయిడ్స్ ఉన్నట్టు నిర్ధారిస్తారు.

హెచ్‌ఐవి సోకిన వెంటనే అది బయటపడే అవకాశమూ తక్కువే. పదేళ్ల కాలం దానికి పెట్టె అవకాశం ఉంటుంది. అప్పుడే ఎయిడ్స్‌గా అది బయట పడుతుంది. ఎయిడ్స్‌ను నయం చేయలేము అదేవిధంగా ఎయిడ్స్‌తో బాధ పడేవారి సగటు ఆయుర్దాయం మూడేళ్ళు మాత్రమే. ఒక వేళఎవరైనా ఎయిడ్స్ తో బాధ పడుతున్న వారికి కొంత ఇన్ఫెక్షన్ లేదా ఏదైనా ఇతర అనారోగ్యానికి గురైనట్లయితే ఆ వ్యక్తి జీవించే సమయం మరింత తగ్గుతుంది.

యాంటీరెట్రోవైరల్ మందులతో ఎయిడ్స్ కు చికిత్స అందించవచ్చు. అయితే అది ఎయిడ్స్ ను నిరోధించగలదే తప్ప పూర్తిగా నివారించలేదు.

ఎయిడ్స్ లక్షణాలు..

HIV లక్షణాలు సాధారణంగా అది సంక్రమించిన దశపై ఆధారపడి ఉంటాయి. చాలా సందర్భాలలో, ఈ వ్యాధి సంక్రమించిన మొదటి కొన్ని నెలల్లో చాలా అంటువ్యాధులుగా కనిపిస్తుంది. హెచ్‌ఐవి సోకిన చాలా మందికి హెచ్‌ఐవి పాజిటివ్ ఉందా లేదా అనేది తరువాతి దశల వరకు తెలియదు.

ఈ వ్యాధి సంక్రమించిన తర్వాత మొదటి కొన్ని వారాలలో, హెచ్ఐవి పాజిటివ్ వ్యక్తి ఫ్లూ వంటి లక్షణాలను అనుభవిస్తారు:

జ్వరం, తలనొప్పి, దద్దర్లు, గొంతుమంట వంటి లక్షణాలు మొదటి దశలో కనిపిస్తాయి. హెచ్ ఐ వీ లక్షణాలు పెరుగుతున్న కొద్దీ.. రోగనిరోధక శక్తి బలహీనపడుతుంది. అంతే కాకుండా వాపులు, శోషరస కురుపులు, అధిక జ్వరం, అకస్మాత్తుగా బరువు తగ్గడం, దగ్గు, విరేచనాలు వంటి లక్షణాలు పెరుగుతాయి.

హెచ్‌ఐవి ఎక్కువ కాలం చికిత్స చేయకపోతే, క్షయ, తీవ్రమైన బాక్టీరియల్ ఇన్ఫెక్షన్, క్యాన్సర్, లింఫోమా, క్రిప్టోకోకల్ మెనింజైటిస్ వంటి లక్షణాలు తీవ్రం అవుతాయి.

హెచ్ ఐవీ కి నివారణ ఒక్కటే మార్గం. వ్యాధి సోకిన విషయం వెంటనే తెలీక పోవడం.. తెలిసేసరికి వ్యాధి ముదిరిపోయే పరిస్థితి ఉండడం వంటి కారణాలతో ఎయిడ్స్ ను నిర్మూలించడం అంత త్వరగా సాధ్యం కాదు.

మన దేశంలో ఎయిడ్స్ ట్రీట్మెంట్ లో పేరు పొందిన వైద్యశాలల వివరాలివే..

హైదరాబాద్ లో ఉస్మానియా హాస్పిటల్, గవర్నమెంట్ ఛెస్ట్ హాస్పిటల్ ఎర్రగడ్డ, విశాఖపట్నం లో కేజీహెచ్, ఢిల్లీలో రామ్ మనోహర్ లోహియా ఆసుపత్రి లోని ART క్లినిక్, లోక్ నాయక్ జయప్రకాశ్ నారాయణ హాస్పిటల్ లోని ART క్లినిక్, ఆల్ ఇండియా మెడికల్ సైన్సెస్ (AIIMS) లోని ART క్లినిక్, ముంబయిలోని కింగ్ ఎడ్వార్డ్ మెమోరియల్ హాస్పిటల్, లోకమాన్య తిలక్ మున్సిపల్ హాస్పిటల్, టోపీ వాలా నేషనల్ మెడికల్ కాలేజీ, తమిళనాడులో అరుంబాక్కం లోని సిద్ధ మెడికల్ కాలేజీ, చెన్నై లోని మద్రాస్ మెడికల్ కాలేజీ






Web TitleSpecial story about Worald AIDS Day 2019
Next Story